എരുമേലി: വോട്ടിംഗ് യന്ത്രം തകരാറിലായതിനെ തുടര്ന്ന് പോളിഗ് രണ്ട് മണിക്കൂര് മുടങ്ങി. എരുമേലി പഞ്ചായത്തിലെ പത്താം വാര്ഡ് തുമരംപാറ ഗവ.െ്രെടബല് എല് പി സ്കൂളിലെ 146ാം ബൂത്തിലെ പോളിംഗാണ് മുടങ്ങിയത്. ഉച്ചകഴിഞ്ഞ് മൂന്ന് മണിയോടെയാണ് യന്ത്രം തകരാറിലായത്. തകരാറിലായപ്പോള് 756 വോട്ടുകള് രേഖപ്പെടുത്തയിതായി അധികൃതര് പറഞ്ഞു. ഈ യന്ത്രം സീല്ചെയ്ത് മാറ്റിയതിന് ശേഷം പുതിയതായി എത്തിച്ച വോട്ടിഗ് യന്ത്രവും തകരാറിലാവുകയായിരുന്നു. മൂന്നമത് എത്തിച്ച യന്ത്രത്തിലാണ് അഞ്ച് മണിയോടെ വോട്ടിഗ് ആരംഭിച്ചത്. ഇതോടെ സ്ത്രീകളടക്കം ഇരുന്നൂറോളം പേരുടെ കാത്തരിപ്പ് രണ്ട് മണിക്കൂറിലധികമായി. വിവരമറിഞ്ഞ് ബിജെപി പഞ്ചായത്ത് കമ്മറ്റി പ്രസിഡന്റ് കെ.ആര്. സോജി, എം.ബി. അജിത്കുമാര്, സുദീപ്, സി പി എം ഏരിയാ കമ്മറ്റി അംഗങ്ങളായ വി പി ഇബ്രാഹിം, പി.കെ അബ്ദുള് കരിം, എന്നവര് സ്ഥലത്തെത്തി. വോട്ടിഗ് സമയം വര്ദ്ധിപ്പിക്കണമെന്നാവശ്യപ്പെട്ട് ബഹളമുണ്ടാക്കിയ വിവിധ രാഷ്ട്രീയ കക്ഷികളുടെ പ്രവര്ത്തകരെ പോലീസ് സ്കൂള് പരിസരത്ത് നിന്നും നീക്കം ചെയ്തു.
പ്രതികരിക്കാൻ ഇവിടെ എഴുതുക: