ന്യൂദല്ഹി: രാജ്യത്ത് സാമ്പത്തിക സ്വാതന്ത്ര്യം ഏറെയുള്ള സംസ്ഥാനമെന്ന പെരുമ ഗുജറാത്തിന്. 20 വലിയ സംസ്ഥാനങ്ങളെ ഉള്പ്പെടുത്തി നടത്തിയ കണക്കെടുപ്പിലാണ് ഗുജറാത്തിന് പ്രഥമ സ്ഥാനം ലഭിച്ചത്.
ഭരണ നിര്വ്വഹണം, വികസനം, പൊതുജന അവകാശങ്ങള്, തൊഴില്- വ്യവസായ നിയമങ്ങള് എന്നിവയിലെ നിലവാരത്തെ അടിസ്ഥാനമാക്കിയായിരുന്നു സ്ഥാനനിര്ണ്ണയം.’ഇന്ത്യന് സംസ്ഥാനങ്ങളിലെ സാമ്പത്തിക സ്വാതന്ത്ര്യം’ എന്ന റിപ്പോര്ട്ട് പ്രകാരം ഗുജറാത്തിന്റെ മൂല്യസൂചിക 0.65 ആണ്. 0.54 മൂല്യ സൂചികയുമായി തമിഴ്നാട് രണ്ടാമത്. മൂല്യസൂചികയുടെ വളര്ച്ചയുടെ കാര്യത്തിലും ഗുജറാത്തിനെ പിന്തള്ളാന് ഇതര സംസ്ഥാനങ്ങള്ക്ക് സാധിച്ചിട്ടില്ല. 2005-ലെ 0.46 ശതമാനത്തില്നിന്നാണ് ഗുജറാത്ത് ഇന്നത്തെ ഏറെ മെച്ചപ്പെട്ട നിലയില് എത്തിയത്.
2005നും 2011നും ഇടയില് ഗുജറാത്തിന്റെ സാമ്പത്തിക വളര്ച്ചാ നിരക്ക് 12 ശതമാനമായി ഉയര്ന്നു.
ചത്തീസ്ഗഢും (10.6%) ആന്ധ്രാപ്രദേശും (10.4%) പിന്നിലുണ്ട്.
വിശാലമായ സാമ്പത്തിക സ്വാതന്ത്ര്യം ഗുജറാത്തിലെ മൂലധന വളര്ച്ചയെ സഹായിച്ചു. ഗുജറാത്തില് തൊഴിലില്ലായ്മ കുറവാണ്. നിക്ഷേപങ്ങള് ഏറെയെത്തുന്നെന്നും റിപ്പോര്ട്ട് ചൂണ്ടിക്കാട്ടുന്നു.
പ്രതികരിക്കാൻ ഇവിടെ എഴുതുക: