കോട്ടയം: ബിജെപി സ്ഥാനാര്ത്ഥി നോബിള് മാത്യു ഇലക്ഷന് പ്രചരണാര്ത്ഥം പുതുപ്പള്ളി പഞ്ചായത്തില് വിവിധ മേഖലകളില് ഗ്രഹസമ്പര്ക്കം നടത്തി. എറിക്കാട്, തച്ചകുന്ന്, ആശാരികുന്നുപ്പുറം, എള്ളുക്കാല, പുതുപ്പള്ളി ടൗണിലെ വ്യാപാരസ്ഥാപനങ്ങളിലും ഇന്നലെ ഉച്ചയോടെ അദ്ദേഹം കയറി ഇറങ്ങി. വിവാഹ-മരണവീടുകളിലും സന്ദര്ശനം നടത്തി. തച്ചകുന്നിലെ പരവര്-ഭരതര് സാമൂദായിക ഓഫീസിലും തുടര്ന്ന് ശതാബ്ദി ആഘോഷത്തിലും പങ്കെടുത്തു. എന്എസ്എസ് ചങ്ങനാശ്ശഏരി താലൂക്ക് യൂണിയന് സെക്രട്ടറി രാധാകൃഷ്ണന് നായരുമായി എറികാട് വസതിയില് കൂടിക്കാഴ്ച നടത്തി. തുടര്ന്ന് ബിജെപി അയര്ക്കുന്നം നിയോജകമണ്ഡലം കണ്വന്ഷനില് പങ്കെടുത്തു. പഞ്ചായത്ത് കമ്മറ്റി പ്രസിഡന്റ് പി.സി. മുരുകനാചാരി, ജനറല് സെക്രട്ടറി പ്രശാന്ത് പയ്യപ്പാടി, യുവമോര്ച്ച ജില്ലാ വൈസ് പ്രസിഡന്റ് അനൂപ് കെ. നായര്, അനീഷ്, പ്രേംകുമാര്, ജ്യോതിഷ്, സനല്, ആര്എസ്എസ് പുതുപ്പള്ളി മണ്ഡലം ബൗദ്ധിക് പ്രമുഖ് മഹേഷ്, യുവമോര്ച്ച മണ്ഡലം സെക്രട്ടറി രാജേഷ് തുടങ്ങിയവര് അദ്ദേഹത്തോടൊപ്പം ഉണ്ടായിരുന്നു.
പ്രതികരിക്കാൻ ഇവിടെ എഴുതുക: