കിടങ്ങൂര്: കിടങ്ങൂര് സുബ്രഹ്മണ്യസ്വാമി ക്ഷേത്രത്തിലെ പള്ളിവേട്ട ഇന്ന് നടക്കും. രാവിലെ 8ന് നടക്കുന്ന ശ്രീബലിയ്ക്കും വൈകിട്ട് 7.30ന് നടക്കുന്ന സേവയ്ക്കും പെരുവനം കുട്ടന് മാരാരും 111 കലാകാരന്മാരും അണിനിരക്കുന്ന പഞ്ചാരിമേളം നടക്കും. രാത്രി 7.45 മുതല് തൃശൂര് പാറമേക്കാവ് ദേവസ്വത്തിന്രെ 300ലധികം വൈവിദ്ധ്യമാര്ന്ന കുടകള് ആകാശത്ത് വര്ണ്ണമഴ പെയ്യിക്കും. തുടര്ന്ന് രാത്രി 11ന് രമ്യാനമ്പീശനും സംഘവും അവതരിപ്പിക്കുന്ന നൃത്തനൃത്യങ്ങള്, രാത്രി 1.30മുതല് പള്ളിവേട്ട എഴുന്നെള്ളിപ്പ്, പള്ളിവേട്ട, പള്ളിവേട്ട വിളക്ക്, പള്ളിവേട്ട വരവ്, പള്ളിക്കുറുപ്പ് എന്നിവ നടക്കും.
ഇന്നലെ വൈകിട്ട് 10ന് ആശാ ശരത്തും സംഘവും അവതരിപ്പിച്ച നൃത്തസന്ധ്യ അരങ്ങേറി. രാത്രി 12മുതല് വലിയ വിളക്കും വലിയകാണിക്കയും നടന്നു. ഇന്നലെ രാവിലെ ശ്രീബലിക്ക് കൊടുമണ് ദീപുവും വൈകിട്ട് കാഴ്ചശ്രീബലിക്കും വലിയ വിളക്കിനും ഉത്തമേശ്വരം ഭക്തജനസമിതിയുടെ വഴിപാട് ആനയായ ചുള്ളിപ്പറമ്പില് വിഷ്ണുശങ്കര് വലിയ പൊന്നിന്തിടമ്പേറ്റി.
പ്രതികരിക്കാൻ ഇവിടെ എഴുതുക: