കോട്ടയം: ലോക്സഭാ തെരഞ്ഞെടുപ്പിനു മുന്നോടിയായി വോട്ടര് പട്ടികയിലെ തെറ്റുകള് തിരുത്തുന്നതിനും പുതിയതായി പേരു ചേര്ക്കുന്നതിനും അവസരമൊരുക്കുന്നതിനുവേണ്ടി കോട്ടയം ജില്ലയിലെ 1410 പോളിംഗ് ബൂത്തുകളിലും വോട്ടര് പട്ടിക പ്രദര്ശിപ്പിച്ചു. ബൂത്ത് തല ഓഫീസര്മാരുടെ നേതൃത്വത്തിലാണ് ഇതിനുവേണ്ട ക്രമീകരണങ്ങള് ഏര്പ്പെടുത്തിയത്.
വിവിധ ബൂത്തുകളിലായി ആയിരക്കണക്കിനാളുകള് വോട്ടര് പട്ടിക പരിശോധിക്കുകയും പേരു ചേര്ക്കുന്നതിനും തിരുത്തലുകള് വരുത്തുന്നതിനും അപേക്ഷ സമര്പ്പിക്കുകയും ചെയ്തു. അപേക്ഷകളില് സമയബന്ധിതമായി തീര്പ്പുണ്ടാക്കുമെന്നും ഇതിനായി പ്രത്യേക ടീമിനെ നിയോഗിച്ചിട്ടുണ്ടെന്നും ജില്ലാ വരണാധികാരികൂടിയായ ജില്ലാ കളക്ടര് അജിത് കുമാര് അറിയിച്ചു.
കോട്ടയം, പുതുപ്പള്ളി, ഏറ്റുമാനൂര് നിയമസഭാ നിയോജകമണ്ഡലങ്ങളിലെ വിവിധ പോളിംഗ് ബൂത്തുകളില് ജില്ലാ കളക്ടര് സന്ദര്ശനം നടത്തി. ഡെപ്യൂട്ടി കളക്ടര്(ഇലക്ഷന്) പി.എസ്. ബഷീര് കാഞ്ഞിരപ്പള്ളി, പൂഞ്ഞാര്, ചങ്ങനാശേരി, പാലാ നിയോജകമണ്ഡലങ്ങളിലെ ബൂത്തുകള് സന്ദര്ശിച്ച് പ്രവര്ത്തനങ്ങള് വിലയിരുത്തി.
പ്രതികരിക്കാൻ ഇവിടെ എഴുതുക: