എരുമേലി: ബിലീവേഴ്സ് ചര്ച്ചിന്റെ നിയന്ത്രണത്തിലുള്ള എരുമേലി ചെറുവള്ളി റബ്ബര് എസ്റ്റേറ്റിലെ ജനങ്ങള്ക്ക് അടിസ്ഥാന സൗകര്യങ്ങള് കുറവാണെന്ന പരാതിയിന്മേല് സംസ്ഥാന പട്ടിക ജാതി/ വര്ഗ്ഗ കമ്മീഷന് ചെറുവള്ളിയില് തെളിവെടുപ്പിനായി എത്തി.
ടാപ്പിംഗ് മേഖലയിലെ പ്രതിസന്ധി, ആരോഗ്യസംരക്ഷണം, പിന്നാക്ക വിഭാഗങ്ങളുടെ സുരക്ഷിതത്വം, വിദ്യാഭ്യാസം, അടക്കം വിവിധ വിഷയങ്ങളില് കമ്മീഷനുലഭിച്ച പരാതികളുടെ അടിസ്ഥാനത്തിലാണ് വിവിധ വകുപ്പുകളിലെ ഉന്നതോദ്യോഗസ്ഥരുടെ സംഘം അന്വേഷണത്തിന് എത്തിയത്.
കമ്മീഷന് ചെയര്മാനും സ്പെഷ്യല് കോടതി ജഡ്ജിയുമായ പി.എന്.വിജയകുമാറിന്റെ നേതൃത്വത്തിലുള്ള സംഘമാണ് ഇന്നലെ എത്തിയത്.
കമ്മീഷന് തെളിവെടുപ്പിനായി എത്തിയപ്പോള് പരാതിക്കാരാരും എത്താതിരുന്നതും ശ്രദ്ധേയമായി. സംഘത്തെ മുക്കടയിലുള്ള മറ്റൊരു ഹാളിലേക്ക് കൊണ്ടുപോയതും സഹായങ്ങള്ക്ക് ഇടനല്കുന്നതായും നാട്ടുകാര് പറഞ്ഞു.
ജില്ലാ മെഡിക്കല് ഓഫീസര് ഡോ.ഐഷാഭായി, മണിമല സിഐ അബ്ദുല് റഹീം, കമ്മീഷനംഗം നാരായണന്, എരുമേലി എസ്ഐ മോഹനന്, തൊഴില് വകുപ്പ് ഉദ്യോഗസഥര് എന്നിവരും എത്തിയിരുന്നു. പരാതിക്കാര് എത്താതിരുന്നതിനെത്തുടര്ന്ന് കമ്മീഷന് പരാതിക്കാര്ക്ക് വീണ്ടും നോട്ടീസ് അയയ്ക്കാനും തീരുമാനിച്ചു.
പ്രതികരിക്കാൻ ഇവിടെ എഴുതുക: