കോട്ടയം: തിരുനക്കര ശ്രീകൃഷ്ണസ്വാമിക്ഷേത്രത്തില് ഉത്സവം 9 ന് കൊടിയേറി 16 ന് രഥോത്സവത്തോടുകൂടി സമാപിക്കും. ക്ഷേത്രാചാരങ്ങള്ക്ക് പ്രാമുഖ്യം നല്കി മഹാപൂജകളും, ഹോമങ്ങളും കലാപരിപാടികളും നടത്തുന്നതിനാണ് കമ്മറ്റി തീരുമാനമെടുത്തിട്ടുള്ളതെന്ന് ഭാരവാഹികള് പത്രസമ്മേളനത്തില് അറിയിച്ചു. പെരിഞ്ഞേരിമന വാസുദേവന് നമ്പൂതിരി മുഖ്യകാര്മ്മികത്വം വഹിക്കും. 9 ന് വൈകിട്ട് 6 ന് കൊടിയേറ്റ്, തുടര്ന്ന് ശ്രീവത്സം ഓഡിറ്റോറിയത്തില് നാരായണീയ പാരായണവും സംഗീതസദസ്സ്, 10 ന് ഉച്ചയ്ക്ക് 1 ന് ഏകാദശിപ്രസാദമൂട്ട്, വൈകിട്ട് 5 ന് നാരായണീയ പാരായണം, 7 ന് സമ്പ്രദായഭജന, 9 ന് വിളക്കിനെഴുന്നള്ളിപ്പ്, 11 ന് ഉച്ചയ്ക്ക് 1 ന് സത്സംഗം, വൈകിട്ട് 5 ന് ഭാഗവതപാരായണം, 6.30 ന് അഷ്ടപദി, 8 ന് ഭക്തിഗാനസുധ, 9 ന് വിളക്കിനെഴുന്നള്ളപ്പ്, 10.30 ന് മുതല് ഉത്സബലി, 12 ന് വൈകിട്ട് 7 ന് നാമഘോഷലഹരി, 9 ന് വിളക്കിനെഴുന്നള്ളിപ്പ്, 13 ന് ഉച്ചയ്ക്ക് 1 ന് ചാക്യാര്കൂത്ത്, 5 ന് ഭാഗവതപാരായണം, 7 ന് കഥകളി, 14 ന് രാവിലെ 7 ന് ഭാഗവതപാരായണം, 8.30 ന് ശ്രീബലി എഴുന്നെള്ളിപ്പ്, 10.30 ന് ഉത്സവബലി, വൈകിട്ട് 6.30 ന് ഡാന്സ്, 9 ന് വിളക്കിനെഴുന്നള്ളിപ്പ്, 15 ന് വൈകിട്ട് 4 ന് ഭാഗവതപാരായണം, 5 ന് കാഴ്ചശ്രീബലി എഴുന്നള്ളിപ്പ്, പഞ്ചാരിമേളം, തുടര്ന്ന് ദേശവിളക്ക്, 7 ന് സംഗീതസദസ്സ്, 10 ന് പള്ളിവേട്ട എഴുന്നള്ളിപ്പ്, ആറാട്ട് ദിവസമായ 16 ന് രാവിലെ 9 ന് ഭാഗവതപാരായണം, 10 ന് മതപ്രഭാഷണം, 11 ന് മഹാപ്രസാദമൂട്ട്, 12 ന് പാഠകം, വൈകിട്ട് നാലിന് തിരുനക്കര രഥോത്സവം ഡിസ്ട്രിക്ട് സെഷന് ജഡ്ജ് പി.കെ ലക്ഷ്മണന് ഉദ്ഘാടനം ചെയ്യും. വിവിധ കലാരൂപങ്ങള്, താലപ്പൊലി, വാദ്യങ്ങള്, കരകാട്ടം, ഗരുഡന് എന്നിവ രഥത്തിന് അകമ്പടി സേവിക്കും. നഗരവീഥിയിലെ സ്വീകരണങ്ങള് ഏറ്റുവാങ്ങി 8 ന് തിരുനക്കര മഹാദേവ സന്നിധിയില് എത്തിച്ചേരും. തുടര്ന്ന് ക്ഷേത്രക്കുളത്തില് ഭഗവാന്റെ ആറാട്ട് നടക്കും. 9 ന് ആറാട്ട് എതിരേല്പ്, 10 ന് കൊടിയിറങ്ങും.
പത്രസമ്മേളനത്തില് ഉത്സവകമ്മറ്റി അധ്യക്ഷന് അഡ്വ. തിരുവാര്പ്പ് പരമേശ്വരന് നായര്, ജനറല് കണ്വീനര് ബിനു ആര്. വാര്യര്, ക്ഷേത്രഭരണസമിതി പ്രസിഡന്റ് കെ.പി ബാലചന്ദ്രന്പിള്ള, സെക്രട്ടറി പി.കെ ഗോപാലകൃഷ്ണന് വര്ക്കിംഗ് പ്രസിഡന്റ്എം.വി.എം നായര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: