പാരീസ്‌; ഫ്രഞ്ച്‌ പ്രസിഡന്റ്‌ ഫ്രാന്‍കോയിസ്‌ ഹൊളന്‍ഡെ പത്നി വലേറി ്ര‍െടെയര്‍വെയ്‌ലറുമായി വേര്‍പിരിയുന്നു. ഫ്രഞ്ച്‌ മാധ്യമങ്ങളെ ഉദ്ധരിച്ച്‌ ബിബിസിയാണ്‌ വാര്‍ത്ത റിപ്പോര്‍ട്ട്‌ ചെയ്തത്‌. സിനിമാ നടി ജൂലി ഗയെറ്റുമായി ഫ്രാന്‍കോയിസ്‌ ഹൊളന്‍ഡെയ്‌ക്ക്‌ രഹസ്യബന്ധമുണ്ടെന്ന്‌ വാര്‍ത്തകള്‍ പുറത്ത്‌ വന്ന്‌ രണ്ടാഴ്‌ച്ചകള്‍ക്ക്‌ ശേഷമാണ്‌ ഭാര്യയുമായി ഹൊളന്‍ഡെ വേര്‍പിരിയുന്നത്‌.
ഹൊളന്‍ഡെയ്‌ക്ക്‌ രഹസ്യബന്ധമുണ്ടെന്ന വാര്‍ത്തകള്‍ പുറത്ത്‌ വന്നതിന്‌ തൊട്ടു പിന്നാലെ വലേറി ്ര‍െടെയര്‍വെയ്‌റെ ആശുപത്രിയില്‍ പ്രവേശിപ്പിച്ചിരുന്നു. ഒരാഴ്‌ച്ചയോളം വലേറി ആശുപത്രിയില്‍ കഴിഞ്ഞിരുന്നു. പാരീസ്‌ മാച്ച്‌ മാഗസിനില്‍ മാധ്യമ പ്രവര്‍ത്തക കൂടിയായ വലേറി ഞായറാഴ്‌ച്ച ഇന്ത്യയില്‍ സന്ദര്‍ശനം നടത്തുന്നുണ്ട്‌. ആക്ഷന്‍ എഗനിസ്റ്റ്‌ ഹംഗര്‍ എന്ന ഫ്രഞ്ച്‌ ചാരിറ്റി പ്രവര്‍ത്തനത്തിന്റെ ഭാഗമായാണ്‌ വലേറിയുടെ ഇന്ത്യ സന്ദര്‍ശനം.
പ്രതികരിക്കാൻ ഇവിടെ എഴുതുക: