കോട്ടയം: കേരള വിശ്വകര്‍മ്മ സഭയുടെ പോഷക സംഘടനയായ കേരള ട്രഡീഷണല്‍ ആര്‍ട്ടിസാന്‍സ്‌ യൂണിയന്‍ സംസ്ഥാന സമ്മേളനം 26ന്‌ ചെങ്ങന്നൂരില്‍. സഭയുടെ ആസ്ഥാനമന്ദിരമായ വഞ്ഞിപ്പുഴ മഠം കോണ്‍ഫറന്‍സ്‌ ഹാളിലായിരിക്കും സമ്മേളനമെന്ന്‌ സംഘാടകര്‍ പത്രസമ്മേളനത്തില്‍ അറിയിച്ചു.
സമ്മേളനത്തില്‍ 14 ജില്ലകളിലെ പ്രതിനിധികളും താലൂക്ക്‌ യൂണിയനില്‍ നിന്നുള്ള പ്രതിനിധികളുമടക്കം 250ലധികം പ്രതിനിധികള്‍ പങ്കെടുക്കും. 9.30ന്‌ പ്രതിനിധികളുടെ രജിസ്ട്രേഷന്‍ നടക്കും. പത്തുമണിക്ക്‌ പ്രതിനിധി സമ്മേളനം സംസ്ഥാന പ്ലാനിംഗ്‌ ബോര്‍ഡ്‌ മെമ്പര്‍ സി.പി.ജോണ്‍ ഉദ്ഘാടനം ചെയ്യും. സംസ്ഥാന പ്രസിഡന്റ്‌ അഡ്വ.പി.ആര്‍.ദേവദാസ്‌ അദ്ധ്യക്ഷത വഹിക്കും. കേരള വിശ്വകര്‍മ്മ സഭ സംസ്ഥാന ജനറല്‍ സെക്രട്ടറി പി.പി.കൃഷ്ണന്‍ മുഖ്യപ്രഭാഷണവും കെവിഎസ്‌ ട്രഷറര്‍ പി.രാജപ്പന്‍, കെടിഎയു വര്‍ക്കിംഗ്‌ പ്രസിഡന്റ്‌ പി.രാജഗോപാല്‍, കെ.വി.എസ്. സംസ്ഥാന സെക്രട്ടറി വി.എസ്. ഗോപാലകൃഷ്ണന്‍ എന്നിവര്‍ അനുഗ്രഹപ്രഭാഷണവും നടത്തും. പ്രതിനിധി സമ്മേളനത്തില്‍ ജനറല്‍ സെക്രട്ടറി പി.ടി.വത്സലന്‍ പ്രവര്‍ത്തനറിപ്പോര്‍ട്ടും വരവുചെലവു കണക്കും അവതരിപ്പിക്കും. തുടര്‍ന്ന്‌ ചര്‍ച്ചയ്‌ക്കും മറുപടിക്കും ശേഷം പുതിയ ഭാരവാഹികളുടെ തെരഞ്ഞെടുപ്പ്‌ നടക്കും.
പത്രസമ്മേളനത്തില്‍ ജനറല്‍ സെക്രട്രറി പി.ടി.വത്സലന്‍, വര്‍ക്കംഗ്‌ പ്രസിഡന്റ്‌ വി.രാജഗോപാല്‍, ട്രഷറര്‍ കെ.മുരളീധരന്‍, കെവിഎസ്‌ സംസ്ഥാന സെക്രട്ടറി വി.എസ്.ഗോപാലകൃഷ്ണന്‍ കെവിഎസ്‌ സംസ്ഥാന ട്രഷറര്‍ വി.രാജപ്പന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: