മുംബൈ: ബോളിവുഡ് താരം ഷാരൂഖ് ഖാന് സിനിമാ ചിത്രീകരണത്തിനിടെ പരിക്കേറ്റു. സുഹൃത്ത് കൂടിയായ ഫറാ ഖാന് സംവിധാനം ചെയ്യുന്ന ഹാപ്പി ന്യൂ ഇയര്‍ എന്ന ചിത്രത്തിന്റെ ഷൂട്ടിംഗിനിടെ മുംബൈയിലെ മാരിയറ്റ് ഹോട്ടലില്‍ വെച്ചാണ് സംഭവം. നൃത്തരംഗം ചിത്രീകരിക്കുന്നതിനിടെ വാതില്‍ തകര്‍ന്ന് ഷാരൂഖിന് മേല്‍ വീഴുകയായിരുന്നു.
ഷാരൂഖിനെ മുംബൈയിലെ നാനാവതി ആശുപത്രിയില്‍ പ്രവേശിപ്പിച്ചു. മുഖത്ത് കൈയ്‌ക്കുമാണ് പരിക്കേറ്റത്. പരിക്ക് ഗുരുതരമല്ലെന്നാണ് സൂചന. ഷാരൂഖ് വേദന കൊണ്ടു പുളയുകയായിരുന്നെന്നാണ് ലൊക്കേഷനിലുണ്ടായിരുന്നവര്‍ നല്‍കുന്ന വിവരം.
ചെന്നൈ എക്‌സ്പ്രസിലെ നായിക ദീപിക പദുക്കോണ്‍ ആണ് ചിത്രത്തിലെ നായിക. അഭിഷേക് ബച്ചന്‍, സോനു സൂദ്, വിവാന്‍ ഷാ, ബോമന്‍ ഇറാനി തുടങ്ങിയവരും അഭിനയിക്കുന്നുണ്ട്.
പ്രതികരിക്കാൻ ഇവിടെ എഴുതുക: