ശാസ്ത്രം വളര്ന്നിട്ടുണ്ട്. അതിന്റെ അന്വേഷണപരിധിയും വികസിച്ചിട്ടുണ്ട്. എന്നാലിന്നും മനുഷ്യന്റെ അനുഭവപരിധിയില്പ്പെട്ടതെല്ലാം വിശദീകരിക്കാന് മാത്രം ശാസ്ത്രം പ്രാപ്തി നേടിയിട്ടില്ല. പണ്ട് സങ്കല്പ്പിക്കാന് കൂടി പറ്റാതിരുന്ന കാര്യങ്ങള് ശാസ്ത്രം കണ്ടെത്തിയിട്ടുണ്ടെന്നത് ശരിതന്നെ. എന്നാല് പ്രപഞ്ച നിഗൂഢതകളെല്ലാം കണ്ടെത്തിക്കഴിഞ്ഞോ? അതില്ല. ഇന്നും പ്രപഞ്ചത്തിന്റെ നിഗൂഢരഹസ്യങ്ങളുടെ ഒരു നുറുങ്ങുമാത്രമേ ശാസ്ത്രത്തിന് കൈപ്പിടിയിലൊതുക്കാന് കഴിഞ്ഞിട്ടുള്ളൂ. മനുഷ്യന് ശാന്തിയും സമാധാനവും നേടിക്കൊടുക്കുവാന് ശാസ്ത്രത്തിന് കഴിഞ്ഞിട്ടുണ്ടോ? മനുഷ്യന്റെ മനുഷ്യത്വം വളര്ത്താനെങ്കിലും ശാസ്ത്രത്തിന് സാധിച്ചോ? അതുമില്ല. യുക്തിചിന്തയുടെ ഫലമാണീ സാങ്കേതിക വളര്ച്ചയും ശാസ്ത്ര മുന്നേറ്റങ്ങളും എന്നത് സമ്മതിക്കുന്നു. ബുദ്ധിയുടെ മഹത്വം തെളിയിക്കുന്നവയാണവയെല്ലാം. എന്നാല് ഈ ബുദ്ധിയുടെ അതിപ്രസരം ജീവിതത്തിന്റെ ഗുണനിലവാരമുയര്ത്തിയോ? ഇല്ലെന്ന് മാത്രമല്ല, സ്നേഹം, വിശ്വാസം, കാരുണ്യം തുടങ്ങി ജീവിതത്തിന്റെ ഉന്നതലക്ഷ്യങ്ങളോടുളള സമര്പ്പണത്തെയും അത് ഇല്ലാതാക്കി. സൗന്ദര്യാസ്വാദനത്തെ വികലമാക്കാനേ ശാസ്ത്രത്തിന് കഴിഞ്ഞിട്ടുള്ളൂ. അതിന്റെ സ്ഥാനത്ത് അഹന്ത ഊതി വീര്പ്പിച്ച് നമ്മുടെ മുന്നോട്ടുള്ള ഗതിക്ക് തടസ്സമുണ്ടാക്കാനും ഒരു തരത്തില് ശാസ്ത്രമാണ് നിമിത്തമായത്.
– മാതാ അമൃതാനന്ദയീദേവി
പ്രതികരിക്കാൻ ഇവിടെ എഴുതുക: