കൊച്ചി: ദ്വിദിന കൊച്ചി സന്ദര്‍ശനത്തിനായി പ്രധാനമന്ത്രി ഡോ.മന്‍മോഹന്‍സിങ്‌ ഇന്ന്‌ കൊച്ചിയിലെത്തും. ഇന്ന്‌ വൈകീട്ട്‌ പെട്രോനെറ്റ്‌ എല്‍.എന്‍.ജി. രാഷ്‌ട്രത്തിന്‌ സമര്‍പ്പിക്കല്‍, നാളെ മാതൃഭൂമിയുടെ നവതിയാഘോഷം, മുന്‍ കേന്ദ്രമന്ത്രി എം.എം.ജേക്കബിന്റെ നവതിയാഘോഷം എന്നിവയാണ്‌ കൊച്ചിയില്‍ പ്രധാനമന്ത്രി പങ്കെടുക്കുന്ന ചടങ്ങുകള്‍.
ഉച്ചയ്‌ക്ക്‌ 12.55ന് കൊച്ചി നാവികസേന വിമാനത്താവളത്തിലെത്തുന്ന പ്രധാനമന്ത്രിക്കും സംഘത്തിനും സ്വീകരണം നല്‍കും. തുടര്‍ന്ന്‌ ഹോട്ടല്‍ താജ്‌ മലബാറിലേക്കു പോകുന്ന പ്രധാനമന്ത്രി അവിടെ വിശ്രമിക്കും. തുടര്‍ന്ന്‌ 3.40ന് ഹെലികോപ്ടര്‍ മാര്‍ഗം വല്ലാര്‍പാടത്തേക്കു യാത്രതിരിക്കുന്ന ഡോ.മന്‍മോഹന്‍സിങ്‌ 4.15ന് എല്‍.എന്‍.ജി. ടെര്‍മിനല്‍ സമര്‍പ്പണം നടത്തും. 5.45നു അദ്ദേഹം ഹോട്ടലിലേക്കു മടങ്ങും.
നാളെ വൈകീട്ട്‌ 3.15നാണ്‌ മറൈന്‍ഡ്രൈവില്‍ മാതൃഭൂമിയുടെ നവതിയാഘോഷത്തിനായി പ്രധാനമന്ത്രി എത്തുക. ഒരു മണിക്കൂര്‍ നേരം പരിപാടിയില്‍ പങ്കെടുക്കും. തുടര്‍ന്ന്‌ 4.15ന് തൊട്ടടുത്തുള്ള സെന്റ്‌ തെരേസാസ്‌ കോളേജ്‌ ഓഡിറ്റോറിയത്തില്‍ നടക്കുന്ന എം.എം.ജേക്കബ്‌ നവതിയാഘോഷത്തിലും ഡോ. മന്‍മോഹന്‍സിങ്‌ പങ്കെടുക്കും. വൈകീട്ട്‌ 5.15ന് കൊച്ചി നാവികസേന വിമാനത്താവളത്തില്‍ നിന്ന് പ്രധാനമന്ത്രിയും സംഘവും ദല്‍ഹിക്കു തിരിക്കും.
പ്രതികരിക്കാൻ ഇവിടെ എഴുതുക: