കോട്ടയം: ആധുനിക കാലഘട്ടത്തിലെ പ്രതിസന്ധികളെ അഭിമുഖീകരിക്കുന്നതിന് ഹിന്ദുധര്മ്മത്തില് അധിഷ്ഠിതമായ ജീവിതരീതി പിന്തുടരുന്നത് അത്യന്താപേക്ഷിതമാണെന്ന് ധര്മ്മജാഗരണ് പ്രമുഖ് വി.കെ.വിശ്വനാഥന് പറഞ്ഞു. കോട്ടയം ഹിന്ദുധര്മ്മപരിഷത്തിന്റെ ആഭിമുഖ്യത്തില് തിരുനക്കര ശിവശക്തി ഓഡിറ്റോറിയത്തില് ആരംഭിച്ച ഹിന്ദുധര്മ്മപരിഷത്ത് പ്രഭാഷണപരമ്പര ഉദ്ഘാടനം ചെയ്യുകയായിരുന്നു അദ്ദേഹം. യുവജനങ്ങള് നമ്മുടെ പൈതൃകത്തെയും ഹിന്ദുധര്മ്മത്തെയും കുറിച്ചുള്ള അറിവില്ലാത്തിനാല് പല അപകടങ്ങളിലും പെടുന്നതായും ഹിന്ദു ധര്മ്മത്തെക്കുറിച്ചുള്ള അറിവു സമ്പാദിക്കുന്നതിലൂടെ ജീവിതം ഉത്കൃഷ്ടവും അര്ത്ഥസമ്പൂര്ണവുമാക്കാന് സാധിക്കുമെന്നും അദ്ദേഹം പറഞ്ഞു.
മലയാള മനോരമ സര്ക്കുലേഷന് ചീഫ് ജനറല് മാനേജര് എം.രാജഗോപാലന് നായര് അധ്യക്ഷത വഹിച്ചു. ജി.മോഹനചന്ദ്രന്, എം.എസ്.പത്മനാഭന്, സി.എന്.സുഭാഷ് എന്നിവര് സംസാരിച്ചു. തുടര്ന്ന് ഇന്ത്യന് ഇന്സ്റ്റിറ്റിയൂട്ട് ഓഫ് സയന്റിഫിക് ഹെറിറ്റേജ് ഡയറക്ടര് ഡോക്ടര് എന്.ഗോപാലകൃഷ്ണന് പ്രഭാഷണം നടത്തി.
പ്രതികരിക്കാൻ ഇവിടെ എഴുതുക: