കോഴിക്കോട്: മുതിര്‍ന്ന കോണ്‍ഗ്രസ് നേതാവും ഐഎന്‍ടിയുസി മുന്‍ സംസ്ഥാന പ്രസിഡണ്ടുമായ കെ സാദിരിക്കോയ അന്തരിച്ചു. 80 വയസ്സായിരുന്നു. വാര്‍ദ്ധക്യസഹജമായ അസുഖത്തെ തുടര്‍ന്ന് ശനിയാഴ്ച രാത്രി 11.30നായിരുന്നു അന്ത്യം.കബറടക്കം ഇന്ന് വൈകീട്ട് നാലിന് പെരുവത്ത് ജുമാ അത്ത് കബര്‍സ്ഥാനില്‍ നടക്കും.
1968ലും 1972ലും കോഴിക്കോട് നഗരസഭയിലേക്ക് കൗണ്‍സിലറായി തെരഞ്ഞെടുക്കപ്പെട്ടിട്ടുണ്ട്. മോട്ടോര്‍ത്തൊഴിലാളി ക്ഷേമനിധി ബോര്‍ഡ് ചെയര്‍മാനായും സേവനമനുഷ്ഠിച്ചു. കെപിസിസി നിര്‍വാഹകസമിതി അംഗം, ഇന്ത്യന്‍ നാഷണല്‍ ട്രാന്‍സ്‌പോര്‍ട്ട് വര്‍ക്കേഴ്‌സ് ഫെഡറേഷന്‍ അഖിലേന്ത്യാ വൈസ് പ്രസിഡന്റ്, സംസ്ഥാന ജനറല്‍സെക്രട്ടറി, ഐഎന്‍ടിയുസി സംസ്ഥാന ജനറല്‍ സെക്രട്ടറി, എന്‍സിപി ജില്ലാ പ്രസിഡന്റ് തുടങ്ങിയ പദവികള്‍ വഹിച്ചിട്ടുണ്ട്.
മാധ്യമപ്രവര്‍ത്തകന്‍ കൂടിയായിരുന്ന സാദിരിക്കോയ മലയാള മനോരമ, മാതൃഭൂമി തുടങ്ങിയ ദിനപത്രങ്ങളില്‍ ജോലി ചെയ്തിട്ടുണ്ട്. പി എം ബീവിയാണ് ഭാര്യ. നാസര്‍, മുഹമ്മദ് നജീബ്, നിയാസ്, ഷക്കീല, ഷാജിന, റഷീദാബീഗം, സീനത്ത്, ഹസ്‌ന, ഹനീഫ, ഇബ്രാഹിം എന്നിവര്‍ മക്കളാണ്.
പ്രതികരിക്കാൻ ഇവിടെ എഴുതുക: