കോതമംഗലം: ഹിന്ദു ഐക്യവേദി കോതമംഗലം സ്ഥാനീയ സമിതിയുടെ ആഭിമുഖ്യത്തില്‍ ഊന്നുകല്ലില്‍ ഹൈന്ദവ സംഗമം നടത്തി. മങ്കാട്ട്‌ ദേവസ്ഥാനം മഠാധിപതി സ്വാമി ദേവ ചൈതന്യ സമ്മേളനം ഉദ്ഘാടനം ചെയ്തു.
കരിങ്കാളിപ്പാറ ക്ഷേത്ര ഭൂമി കരിങ്കല്‍ ക്വാറി മാഫിയ കൈയടക്കാന്‍ ശ്രമം നടത്തുന്നതിനെ എന്തുവിലകൊടുത്തും എതിര്‍ക്കുമെന്നും യോഗം ഉദ്ഘാടനം ചെയ്തുകൊണ്ട്‌ സ്വാമി പ്രഖ്യാപിച്ചു. കരിങ്കാളിപ്പാറ ക്ഷേത്ര ഭൂമി ഹൈന്ദവര്‍ക്ക്‌ വിട്ടുകിട്ടാന്‍ സത്വര നടപടി സര്‍ക്കാരിന്റെ ഭാഗത്തുനിന്നുണ്ടാവണമെന്ന്‌ സംഗമം പാസ്സാക്കിയ പ്രമേയത്തില്‍ ആവശ്യപ്പെട്ടു.
ഹിന്ദു ഐക്യവേദി സ്ഥാനീയ സമിതി വൈസ്‌ പ്രസിഡന്റ്‌ മനോഹരന്‍ പി.ജി.അദ്ധ്യക്ഷത വഹിച്ചു. താലൂക്ക്‌ പ്രസിഡന്റ്‌ അഡ്വ.കെ.രാധാകൃഷ്ണന്‍ ജില്ലാ ജനറല്‍ സെക്രട്ടറി കെ.പി.സുരേഷ്‌, ഇ.ടി.നടരാജന്‍, കെവിഎസ്‌ താലൂക്ക്‌ ട്രഷറര്‍ സുഭാഷ്‌ നെല്ലിമറ്റം, എന്‍എസ്‌എസ്‌ താലൂക്ക്‌ യൂണിയന്‍ അംഗം സരിതാസ്‌ നാരായണന്‍ നായര്‍, കെപിഎംഎസ്‌ താലൂക്ക്‌ സെക്രട്ടറി വി.കെ.കൊച്ചുരാമന്‍ മാസ്റ്റര്‍, ഐക്യവേദി ജില്ലാ കമ്മറ്റിയംഗം, കെ.ജി.ഹരിദാസ്‌, സതീഷ്‌ കുമാര്‍, കെജിഎസ്‌എസ്‌, റെജി മാധവന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: