ആലുവ: ആലുവ റെയില്വേസ്റ്റേഷന് മുന്നിലെ ഓട്ടോസ്റ്റാന്റില്‍ സംഘര്‍ഷമുണ്ടാക്കാന്‍ ശ്രമിച്ച 12 എസ്ഡിപിഐക്കാരെ പോലീസ്‌ അറസ്റ്റുചെയ്തു. ഇന്നലെ രാവിലെ 10 മണിക്കാണ്‌ സംഭവം. ബലം പ്രയോഗിച്ച്‌ ഓട്ടോസ്റ്റാന്റില്‍ കയറാന്‍ ശ്രമിക്കുകയായിരുന്നു ഇവര്‍. റെയില്വേസ്റ്റേഷന് പരിസരത്ത്‌ നിലവില്‍ സിഐടിയുവിനും ഐഎന്‍ടിയുസിക്കും മാത്രമാണ്‌ ഓട്ടോതൊഴിലാളികളുടെ യൂണിയനുള്ളത്‌. 70 ഓട്ടോറിക്ഷകളുണ്ട്‌.
120 ഓട്ടോഡ്രൈവര്‍മാരുമുണ്ട്‌. പല ടേണുകളാക്കി രാപ്പകല്‍ ഓടിയിട്ടും വേണ്ടത്ര വരുമാനം ഇല്ലാത്ത സാഹചര്യത്തിലാണ്‌ എസ്ഡിപിഐക്കാര്‍ ബലംപ്രയോഗിച്ച്‌ ഓട്ടോറിക്ഷ സ്റ്റാന്റില്‍ എത്തിച്ച്‌ സംഘര്‍ഷമുണ്ടാക്കി യൂണിയന്‍ തുടങ്ങാന്‍ ശ്രമം നടത്തിയത്‌.
ഇതിനെ എതിര്‍ത്ത മറ്റ്‌ യൂണിയന്‍കാര്‍ക്കുനേരെ എസ്ഡിപിഐക്കാര്‍ തിരിഞ്ഞതാണ്‌ സംഘര്‍ഷത്തിനിടയാക്കിയത്‌. സംഘര്‍ഷം സൃഷ്ടിച്ച എസ്ഡിപിഐക്കാരുടെ ഓട്ടോറിക്ഷയും പോലീസ്‌ സ്റ്റേഷനിലേക്ക്‌ കൊണ്ടുപോയി.
പ്രതികരിക്കാൻ ഇവിടെ എഴുതുക: