കൊല്‍ക്കത്ത: കാറില്‍ തട്ടി കൊണ്ട്‌ പോയി മയക്ക്‌ മരുന്ന്‌ നല്‍കിയ ശേഷം നേഴ്സിങ്‌ വിദ്യാര്‍ത്ഥിനിയെ മൂന്ന്‌ പേര്‍ ചേര്‍ന്ന്‌ കൂട്ടബലാത്സംഗം ചെയ്തു. ചിന്നാര്‍ ബസ്‌ സ്റ്റാറ്റിന്‌ സമീപം ബസ്‌ കാത്ത്‌ നില്‍ക്കുമ്പോഴാണ്‌ സംഭവം. ഞായറാഴ്‌ച്ച രാവിലയോടെയാണ്‌ സംഭവം.
വിദ്യാര്‍ത്ഥിനിയെ ബലമായി കാറില്‍ കയറ്റുകയായിരുന്നു. മയക്ക്‌ മരുന്ന്‌ നല്‍കി ബോധം കെടുത്തിയ ശേഷം മൂന്ന്‌ ചെറുപ്പക്കാര്‍ ബലാത്സംഗം ചെയ്യുകയായിരുന്നു. പ്രതികള്‍ 24നും 30നും ഇടയില്‍ പ്രായമുള്ളവരാണെന്ന്‌ തിരിച്ചറിഞ്ഞിട്ടുണ്ട്‌. വിദ്യാര്‍ത്ഥിനിയെ വൈദ്യപരിശോധനയ്‌ക്ക്‌ അയച്ചതായി അധികൃതര്‍ പറഞ്ഞു.
വിദ്യാര്‍ത്ഥിനി അപകടനില തരണം ചെയ്തു കഴിഞ്ഞതായി ഡോക്ടര്‍മാര്‍ അറിയിച്ചു. സംഭവസ്ഥലത്ത്‌ നിന്ന്‌ പ്രതികള്‍ ഓടി രക്ഷപ്പെട്ടതായാണ്‌ വിവരം. പ്രതികളെ പിടികൂടുന്നതിനായി തിരച്ചില്‍ ശക്തമാക്കിയിട്ടുണ്ട്‌.
പ്രതികരിക്കാൻ ഇവിടെ എഴുതുക: