ഹെറാത്ത്: അഫ്ഗാനിസ്ഥാനിലെ അമേരിക്കന്‍ കോണ്‍സുലേറ്റിനുനേരെ ഭീകരാക്രമണം. പടിഞ്ഞാറന്‍ നഗരമായ ഹെറാത്തിലെ കോണ്‍സുലേറ്റിന് നേരെയാണ് വെള്ളിയാഴ്ച രാവിലെ കാര്‍ബോംബ് സ്‌ഫോടനവും വെടിവെപ്പും ഉണ്ടായത്.
ആക്രമണത്തില്‍ രണ്ട് അഫ്ഗാന്‍ പോലീസുകാരും കോണ്‍സുലേറ്റിലെ ഒരു ഗാര്‍ഡും കൊല്ലപ്പെട്ടു.
ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു. വെള്ളിയാഴ്ച പുലര്‍ച്ചെ കോണ്‍സുലേറ്റ് കെട്ടിടത്തിനു പുറത്ത് ഒരു ചാവേര്‍ ബോംബ് പൊട്ടിത്തെറിക്കുകയായിരുന്നു. താലിബാന്‍ ചാവേറാണ് ആക്രമണം നടത്തിയത്.
തുടര്‍ന്ന് താലിബാന്‍ തീവ്രവാദികള്‍ കോണ്‍സുലേറ്റിനു നേരേ വെടിവയ്‌ക്കുകയായിരുന്നു. നാറ്റോ സേന അഫ്ഗാനിസ്ഥാനില്‍ നിന്ന് പിന്‍വാങ്ങാനിരിക്കെയാണ് ആക്രമണം.
പ്രതികരിക്കാൻ ഇവിടെ എഴുതുക: