നിങ്ങളുടെ ഈ ശരീരം വളരെ പ്രധാനമാണ്. നിങ്ങള്ക്ക് അതിനെ ഉടുപ്പിക്കണം, ഊട്ടണം, അലങ്കരിക്കണം. ലാളിക്കണം. പലതും നിങ്ങള് ചെയ്യുന്നു. അത് വളരെ പ്രധാനമാണ്. നാളെ പ്രഭാതത്തില് നിങ്ങളുടെ ഈ ശരീരത്തിനുള്ളിലുള്ള, നിങ്ങള്ക്കിതേവരെ അനുഭവവേദ്യമായിട്ടില്ലാത്ത ആ എന്തോ ഒന്ന്, അത് നിങ്ങളെ ഉപേക്ഷിച്ചുപോയിക്കഴിഞ്ഞാല്, പെട്ടെന്ന് നിങ്ങളുടെ ഈ ശരീരം ആര്ക്കും വേണ്ടാതെയാകുന്നു. ഫലം പൊയ്ക്കഴിഞ്ഞാല് തോലിനൊരു വിലയുമില്ല. പക്ഷേ ഇപ്പോള് നിങ്ങളുടെ ശ്രദ്ധ മുഴുവന് കേന്ദ്രീകരിച്ചിരിക്കുന്നത് തോലിലാണ്. ഭൗതികമായ അസ്തിത്വം, അസ്തിത്വത്തിന്റെ തോല് മാത്രമാണ്. ഫലം അകത്തുണ്ട്. അനുഭവത്തില് വരാതെ, വലിയൊരു വിഭാഗം മനുഷ്യരാശിയാല് സ്പര്ശിക്കപ്പെടാതെ, ജീവഫലത്തിന്റെ സ്വാദറിയാതെ, നിങ്ങള്ക്കൊരിക്കലും ജീവിതമെന്താണെന്നറിയാന് കഴിയില്ല.
– ജഗ്ഗിവാസുദേവ്
