കൊച്ചി: അന്താരാഷ്ട്ര ശ്രീകൃഷ്ണ കേന്ദ്രം ഔദ്യോഗിക വെബ്സൈറ്റ്‌ ഉദ്ഘാടനം ചെയ്തു. കൊച്ചിയില്‍ നടന്ന ചടങ്ങില്‍ കവിയും തപസ്യ സംസ്ഥാന അധ്യക്ഷനുമായ എസ്‌.രമേശന്‍ നായര്‍ വെബ്സൈറ്റിന്റെ ഉദ്ഘാടനം നിര്‍വ്വഹിച്ചു. www.sreekrishnakendram.com എന്നാണ്‌ വൈബ്സൈറ്റിന്റെ പേര്.
ചടങ്ങില്‍ അന്താരാഷ്ട്ര ശ്രീകൃഷ്ണകേന്ദ്രം ചെയര്‍മാന്‍ ആമേട വാസുദേവന്‍ നമ്പൂതിരി നിലവിളക്ക്‌ കൊളുത്തി. രക്ഷാധികാരി എം.എ കൃഷ്ണന്‍ ശ്രീകൃഷ്ണ പ്രവര്‍ത്തന കേന്ദ്രത്തെക്കുറിച്ച്‌ സംസാരിച്ചു. അമൃതാനന്ദമയീമഠം കോളേജ്‌ ഓഫ്‌ ഫൈന്‍ ആര്‍ട്സ്‌ വിദ്യാര്‍ഥിയായ വൈഷ്ണവിന്റെ നേതൃത്വത്തിലാണ്‌ വെബ്സൈറ്റ്‌ രൂപകല്‍പ്പന ചെയ്തത്. എന്‍.ശ്രീകുമാര്‍, പ്രസാദ്കുമാര്‍, പി.കെ. വിജയരാഘവന്‍, മേലത്ത്‌ രാധാകൃഷ്ണന്‍ തുടങ്ങിയവര്‍ ചടങ്ങില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: