നല്ലപോലെ വളര്ത്തപ്പെടുന്ന ആരോഗ്യവാനായ ഒരു പൈതല് സന്തോഷപൂര്വ്വം കൈകാലുകള് കുടഞ്ഞ് കിടക്കുകയും ചുമര്വിളക്കിന്റെ നറുംപ്രകാശത്തില് കണ്ണുനട്ടുകൊണ്ട് പുഞ്ചിരിക്കുകയും തന്നോടുതന്നെ ഒച്ചയിട്ട് ചിരിക്കുകയും ചെയ്യുന്നതുപോലെ നിങ്ങളും ജീവിതവ്യാപാരങ്ങളെ നടത്തിക്കൊണ്ടിരിക്കുകയും അതേ സമയം അന്തര്മ്മാനവൃത്തികളെ നിര്ബ്ബാധം സൂക്ഷിച്ചുപഠിക്കുകയും ചെയ്യണം. ഓരോ വിചാരവും വാക്കും പ്രവൃത്തിയും നങ്ങളുടെതന്നെ അംഗീകാരത്തിന്റെ മുദ്രയും വഹിച്ചുകൊണ്ട് നിങ്ങളില്നിന്ന് പുറത്തുവരണം. നിങ്ങളുടെ ശ്രദ്ധയുടെ ഒരു വിഭാഗത്തെ ബുദ്ധിയുടെ ഉന്നതമായ നിരീക്ഷണമേടയില് കാവലാളായി നിര്ത്തുക! ഓരോ ദിവസത്തിലും നിങ്ങളുടെ അന്തര്മ്മണ്ഡലത്തില് തിരക്കുപിടിച്ചുനടക്കുന്ന സകല പ്രവര്ത്തനങ്ങളെയും ആ കാവല്ക്കാരന് നിശബ്ദം നോക്കിക്കാണുകയും ഓരോ വിചാരത്തിന്റെയും വാക്കിന്റെയും കര്മത്തിന്റെയും പിന്നിലുള ഉദ്ദേശങ്ങളേയും സ്വാര്ത്ഥതാല്പ്പര്യങ്ങളേയും ശരിക്കും വിലയിരുത്തുകയും ചെയ്യട്ടെ. ഇതാണ് അന്തര്വീക്ഷണം.
– സ്വാമി ചിന്മയാനന്ദന്
