അരുണാശേരി: ഓട്ടത്തിനിടെ നിയന്ത്രണം വിട്ട കാര് റോഡരികിലെ മതിലിടിച്ചു നിയന്ത്രണം വിട്ടു സമീപത്തെ കടയ്ക്കുള്ളിലേക്കു ഇടിച്ചു കയറി. കടുത്തുരുത്തി-തോട്ടൂവാ റോഡില് അരുണാശേരി ജംഗ്ഷന് സമീപമാണ് അപകടം. ഞായറാഴ്ച്ച രാത്രി ഒമ്പത് മണിയോടെ ഉണ്ടായ അപകടത്തില് ആര്ക്കും പരിക്കില്ല. കടുത്തുരുത്തി ഭാഗത്തുനിന്നും കുറവിലങ്ങാട് ഭാഗത്തേക്കു പോവൂകയായിരുന്ന കാറാണ് അപകടത്തില്പെട്ടത്. തെക്കേടത്ത് ജയപ്രകാശിന്റെ ശക്തി വുഡ് ഇന്ഡ്രസ്ട്രീസിലേക്കാണ് കാര് ഇടിച്ചു കയറിയത്. മതിലിലിടിച്ച കാര് വട്ടം തിരിഞ്ഞു കടയില് ഇടിക്കുകയായിരുന്നു.
അപകടത്തില് മതിലും കടയുടെ ഷട്ടറും ചില്ലുകളും തകര്ന്നു. മൂന്ന് കുട്ടികള് ഉള്പെടെ അഞ്ച് പേരാണ് കാറിലുണ്ടായിരുന്നത്. രണ്ട് മാസങ്ങള്ക്ക് മുമ്പ് ടിപ്പര് ലോറിയിടിച്ചു തകര്ന്ന കട പുതുക്കി പണിതു ഏതാനും ദിവസങ്ങള് കഴിഞ്ഞപ്പോഴാണ് ഇപ്പോഴത്തെ അപകടമുണ്ടായത്.
പ്രതികരിക്കാൻ ഇവിടെ എഴുതുക: