കോട്ടയം: ജില്ലയില് രണ്ടുദിവസമായി കനത്ത മഴ തുടരുകയാണ്. രണ്ടുദിവസം മഴ പൂര്ണമായി മാറിനിന്നശേഷമാണ് ശക്തമായി വീണ്ടും കാറ്റോടുകൂടി മഴ ശക്തിപ്രാപിച്ചത്. കനത്ത മഴ തുടരുന്നതിനാല് ജനജീവിതം ദുരിതപൂര്ണ്ണമായിരിക്കുകയാണ്. കഴിഞ്ഞ മൂന്നു മാസമായി തുടരുന്ന മഴ സാധാരണക്കാരുടെ ദൈനംദിന ജീവിതത്തെ പ്രതികൂലമായി ബാധിച്ചു. ഇതോടൊപ്പം വന്ന മഴക്കാല രോഗങ്ങളും കൂടിയായപ്പോള് ജനങ്ങള് വളരെ ദുരിതപൂര്ണമായാണ് ജീവിതം തള്ളിനീക്കുന്നത്.
ശക്തമായ മഴമൂലം താഴ്ന്നപ്രദേശങ്ങള് പലതും ഇപ്പോള് വെള്ളപ്പൊക്ക ഭീഷണിയിലാണ്. ഇക്കഴിഞ്ഞവെള്ളപ്പൊക്കം ദുരിതാശ്വാസ ക്യാമ്പുകളിലും ചെന്നെത്താന് ബുദ്ധിമുട്ടുണ്ടാക്കിയിരുന്നു. സ്വന്തം വീടുകളില് ചെന്നെത്താന് ശ്രമിക്കുന്നവര്ക്ക് വീണ്ടും ദുരിതാശ്വാസക്യാമ്പുകളിലേക്ക് വീണ്ടു പോകേണ്ട അവസ്ഥയാണിപ്പോള്. മഴയോടൊപ്പമുള്ള കാറ്റിലും മറ്റും വൈദ്യുതിബന്ധം പലയിടങ്ങളിലും വിച്ഛേദിക്കപ്പെട്ടിട്ട് ദിവസങ്ങളായി. മഴക്കാലവിളകള് ഏതാണ്ട് പൂര്ണ്ണമായും നശിച്ച നിലയിലാണ്. നിരവധി വീടുകള്ക്ക് നാശനഷ്ടമുണ്ടായി. ഇനിയും മഴ ശക്തമായി തുടരുന്നത് ജനങ്ങളെ ഭീതിയിലാഴ്ത്തിയിരിക്കുകയാണ്.
പ്രതികരിക്കാൻ ഇവിടെ എഴുതുക: