കൊച്ചി : എല്‍ജി ഇലക്ട്രോണിക്സിന്റെ ഓണം വില്‍പനയ്‌ക്ക്‌ തുടക്കമായി. ഒന്നാമന്റെ ഓണാഘോഷങ്ങള്‍ എന്ന്‌ നാമകരണം ചെയ്യപ്പെട്ടിട്ടുള്ള ഓണം ഓഫര്‍ സെപ്തംബര്‍ 20വരെ നീളും. എല്‍ഇഡി ടിവി, റഫ്രിജറേറ്ററുകള്‍, വാഷിങ്മെഷീനുകള്‍, ഓഡിയോ സിസ്റ്റംസ്‌ എന്നിവ അടക്കം രണ്ട്‌ ലക്ഷത്തിലേറെ സമ്മാനങ്ങളാണ്‌ ഈ കാലയളവില്‍ ഉപയോക്താക്കള്‍ക്ക്‌ ലഭിക്കുകയെന്ന്‌ എല്‍ജി ഇന്ത്യ വില്‍പന വിഭാഗം തലവന്‍ സഞ്ജീവ്‌ അഗര്‍വാള്‍ വാര്‍ത്താ സമ്മേളനത്തില്‍ പറഞ്ഞു.ഓരോ എല്‍ജി ഉല്‍പന്നങ്ങള്‍ വാങ്ങുമ്പോഴും ലഭിക്കുന്ന സ്ക്രാച്ച്‌ കാര്‍ഡില്‍ ലഭിക്കുന്ന സമ്മാനം ഏതാണെന്ന്‌ കാണിച്ചിരിക്കും.
ഈ ഓണം സീസണില്‍ 360 കോടിയോളം രൂപയുടെ വില്‍പനയാണ്‌ എല്‍ജി ലക്ഷ്യമിടുന്നതെന്ന്‌ അഗര്‍വാള്‍ പറഞ്ഞു. കഴിഞ്ഞ വര്‍ഷത്തെതിനേക്കാള്‍ 15 ശതമാനം കൂടുതലാണിത്‌. കേരളം എല്‍ജിയുടെ സുപ്രധാന വിപണിയാണെന്നും സഞ്ജീവ്‌ അഗര്‍വാള്‍ പറഞ്ഞു.
32 മുതല്‍ 60 ഇഞ്ച്‌ വരെ വലിപ്പമുള്ള സിനിമ 3ഡി സ്മാര്‍ട്‌ ടിവി സെറ്റുകള്‍ എല്‍ജി പുതുതായി വിപണിയിലെത്തിച്ചിട്ടുണ്ട്‌. ടിവി, സ്മാര്‍ട്‌ ഫോണ്‍, ടാബ്ലറ്റ്‌, പിസി എന്നിവ തമ്മില്‍ കേബിളുകളുടെ സഹായമില്ലാതെ ബന്ധിപ്പിക്കാന്‍ സഹായകമായ ഇന്റലിന്റെ വൈഡൈ, മിറാകാസ്റ്റ്‌, എന്‍എഫ്സി സംവിധാനങ്ങള്‍ എല്‍ജി സിനിമ 3ഡി സ്മാര്‍ട്‌ ടിവിയിലുണ്ട്‌.
പവര്‍കട്ട്‌ സമയത്ത്‌ 7 മണിക്കൂര്‍ വരെ വൈദ്യുതിയില്ലാതെ ശീതികരണം സാധ്യമാക്കുന്ന റഫ്രിജറേറ്ററുകള്‍ എല്‍ജി വിപണിയിലെത്തിച്ചിട്ടുണ്ട്‌. 20 ശതമാനം ഊര്‍ജം ലാഭിക്കാനും ഉതകുന്ന ഈ റഫ്രിജറേറ്ററുകള്‍ എല്‍ജിയ്‌ക്ക്‌ പാറ്റന്റുള്ള പവര്‍കട്ട്‌ എവര്‍കൂള്‍ സാങ്കേതിക വിദ്യയില്‍ നിര്‍മിച്ചവയാണ്‌.
പുതിയ എയര്‍കണ്ടീഷണറുകള്‍ 66 ശതമാനം വരെ വൈദ്യുതി ലാഭം സാധ്യമാക്കുന്ന ഇന്‍വെര്‍ടര്‍ വി സാങ്കേതിക വിദ്യയില്‍ നിര്‍മിച്ചവയാണ്‌.
പ്രതികരിക്കാൻ ഇവിടെ എഴുതുക: