കോട്ടയം: ഇന്ന് സമൂഹത്തില് ഉണ്ടായിക്കൊണ്ടിരിക്കുന്ന ധര്മ്മച്യുതികള്ക്കും ദുരിതങ്ങള്ക്കും ഏകപരിഹാരം ഉപനിഷത്ത് സൂക്തങ്ങള് ആണെന്ന് സ്വാമി വേദാനന്ദസരസ്വതി പറഞ്ഞു. ഈശ്വരഭജനം കൊണ്ട് മാത്രമേ സമൂഹനന്മ ഈ കലിയുഗത്തില് സാധ്യമാകൂ. ആയതിനാല് കുടുംബസമേതമുള്ള ഭജനസങ്കീര്ത്തനങ്ങള്ക്ക് എല്ലാവരും തയ്യാറാകണമെന്ന് അദ്ദേഹം പറഞ്ഞു. കൊപ്രത്ത് ശ്രീദുര്ഗ്ഗാഭഗവതിക്ഷേത്രത്തില് തുടക്കം കുറിച്ച ശ്രീമത് ലളിതസഹസ്രനാമ ജപയജ്ഞത്തിന് ഭദ്രദീപം പകര്ന്നുകൊണ്ട് സംസാരിക്കുകയായിരുന്നു അദ്ദേഹം.
ചടങ്ങില് ദേവസ്വം പ്രസിഡന്റ് എം.ജി സുകുമാരന് നായര് അധ്യക്ഷതവഹിച്ചു. സെക്രട്ടറി ടി.എന് ഹരികുമാര്, ഭരണസമിതിയംഗങ്ങള് ആയ സി.എസ് രാജമ്മ, ജി. ജയശങ്കര്, ജി. പ്രശാന്ത്, നഗരസഭാ ചെയര്പേഴ്സണ്, രാജം ജി. നായര്, ജി. വിജയന്, കെ. നിര്മ്മലന്, വൈദീശ്വരന്, പി.കെ പുരുഷോത്തമന്, കെ.എന് ബാലചന്ദ്രന് നായര് എന്നിവര് ചടങ്ങില് സംസാരിച്ചു.
പ്രതികരിക്കാൻ ഇവിടെ എഴുതുക: