പാലാ: ഹൈന്ദവ ഐക്യം കാലഘട്ടത്തിന്റെ ആവശ്യമാണെന്ന് എസ്എന്ഡിപി യോഗം പ്രസിഡന്റ് ഡോ.എം.എന്. സോമന് പറഞ്ഞു. ഭൂരിപക്ഷ വിഭാഗങ്ങളുടെ കൂടിച്ചേരല് പൊതുസമൂഹത്തിന്റെ നന്മക്ക് ശക്തിപകരും. പ്രാര്ത്ഥനകളും വിശ്വാസവും വഴി ആധ്യാത്മികമായാവണം ഈ ഐക്യത്തിന് അടിത്തറയിടാനെന്നും അദ്ദേഹം പറഞ്ഞു.
ഏഴാച്ചേരി കാവിന്പുറം ഉമാമഹേശ്വര ക്ഷേത്ര സന്നിധിയില് നിര്മ്മിച്ച നവഗ്രഹക്ഷേത്ര സമര്പ്പണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എന്എസ്എസ് മീനച്ചില് താലൂക്ക് യൂണിയന് പ്രസിഡന്റ് സി.പി. ചന്ദ്രന് നായരുടെ അദ്ധ്യക്ഷതയില് ചേര്ന്ന സമ്മേളനത്തില് എന്എസ്എസ് ഡയറക്ടര് ബോര്ഡ് മെമ്പര് ഹരികുമാര് കോയിക്കല് നവഗ്രഹ ക്ഷേത്രം സമര്പ്പിച്ചു. തുമ്പയില് രാമകൃഷ്ണന് നായര് രചിച്ച നവഗ്രഹ സ്തോത്രങ്ങളും മലയാള അര്ത്ഥവും എന്ന പുസ്തകം സി.പി. ചന്ദ്രന് നായര്ക്ക് നല്കി എസ്എന്ഡിപി യോഗം പ്രസിഡന്റ് ഡോ. എം.എന്. സോമന് പ്രകാശനം ചെയ്തു. ക്ഷേത്ര ശില്പി പുലിയൂര് സോമശേഖരന് എസ്എന്ഡിപി യോഗം മീനച്ചില് യൂണിയന് പ്രസിഡന്റ് ഗോപി ശാസ്താപുരം പുരസ്കാരം നല്കി.
എസ്എന്ഡിപി യോഗം മീനച്ചില് യൂണിയന് സെക്രട്ടറി അഡ്വ: കെ.എം. സന്തോഷ്കുമാര് അനുഗ്രഹ പ്രഭാഷണവും, വണിക വൈശ്യസംഘം സംസ്ഥാന പ്രസിഡന്റ് കെ.കെ. പരമേശ്വരന് ചെട്ടിയാര് മുഖ്യ പ്രഭാഷണവും നടത്തി. വിശ്വകര്മ്മ സഭ മീനച്ചില് താലൂക്ക് യൂണിയന് പ്രസിഡന്റ് അനില് ആറുകാക്കല്, പി.എസ്. ഷാജികുമാര് പയനാല്, വി.കെ. രഘുനാഥന് നായര്, പി.എന്. രഘുനാഥന് നായര്, ടി.എന്. സുകുമാരന് നായര്, ജയചന്ദ്രന് കീപ്പാറമല തുടങ്ങിയവര് ആശംസകള് നേര്ന്നു.
പ്രതികരിക്കാൻ ഇവിടെ എഴുതുക: