മാഡ്രിഡ്‌: ലോക ചാമ്പ്യന്‍മാരായ സ്പെയിനിന്റെയും ക്ലബ്ബ്‌ ഫുട്ബോളിലെ കരുത്തരായ ബാഴ്സലോണയുടെയും സൂപ്പര്‍ മിഡ്ഫീല്‍ഡര്‍ സാവി വിവാഹിതനായി. ബാഴ്സലോണ നഗരത്തിലെ കോണ്‍വെന്റ്‌ ഡെ ബ്ലാന്‍സ്‌ മന്ദിരത്തില്‍ നടന്ന ചടങ്ങില്‍ കാമുകി നൂറിയ കനിലേരയെയാണ്‌ സാവി മിന്നുകെട്ടിയത്‌. സ്പാനിഷ്‌ ടീമിലെ സഹതാരങ്ങളായ വിക്റ്റര്‍ വലാഡസ്‌, സെസ്ക്‌ ഫാബ്രെഗസ്‌, ജാവിയര്‍ മസ്കരാനോ, പെഡ്രോ റോഡ്രിഗസ്‌, ആന്ദ്രെ ഇനിയെസ്റ്റ, ജോര്‍ഡി ആല്‍ബ എന്നിവര്‍ വിവാഹ ചടങ്ങില്‍ പങ്കെടുത്തു. ബാഴ്സയിലെ കളിക്കൂട്ടുകാരനും അര്‍ജന്റൈന്‍ സ്റ്റാറുമായ ലയണല്‍ മെസി കാമുകി അന്റോണെല റോക്കുസോയൊപ്പമാണ്‌ കല്യാണത്തിനെത്തിയത്‌. വിവാഹശേഷം മരിമുര്‍ട്രാ ബൊട്ടാണിക്കല്‍ ഗാര്‍ഡനില്‍ ഒരുക്കിയ വിരുന്നില്‍ സ്പാനിഷ്‌ ഫുട്ബോളിലെ നിരവധി താരങ്ങള്‍ പങ്കെടുത്തു. അതേസമയം, കാര്‍ലോസ്‌ പ്യുയോള്‍, ജെറാഡ്‌ പിക്വെ, ഇകര്‍ കസിയസ്‌ എന്നിവരുടെ അസാന്നിധ്യം ശ്രദ്ധിക്കപ്പെട്ടു.
Friday, November 22, 2024
നൂറിയയെ സാവി മിന്നുകെട്ടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: