പൂഞ്ഞാര്: എസ്എംവി ഹയര് സെക്കണ്ടറി സ്കൂല് മുന് പ്രിന്സിപ്പലും പൊതുപ്രവര്ത്തകനുമായിരുന്ന പി.കെ.രഘുവിന്റെ ഏഴാമത് ചരമവാര്ഷികത്തോടനുബന്ധിച്ച് അരവിന്ദം യൂത്ത് ക്ലബ്ബും പി.കെ.രഘു സ്മാരക ട്രസ്റ്റും ചേര്ന്ന് സംഘടിപ്പിച്ചിരിക്കുന്ന അനുസ്മരണപരിപാടി നാളെ 3ന് എസ്എംവി സ്കൂള് ഹാളില് നടക്കും. ക്ലബ്ബ് രക്ഷാധികാരി രാജു പൂഞ്ഞാര് അദ്ധ്യക്ഷത വഹിക്കും. സമ്മേളനം ജില്ലാ പഞ്ചായത്തുമെമ്പര് നിര്മ്മലാ ജിമ്മി ഉദ്ഘാടനം ചെയ്യും. ബിജെപി എറണാകുളം ജില്ലാ പ്രസിഡന്റ് അഡ്വ.പി.ജെ.തോമസ്, അനുസ്മരണ പ്രഭാഷണം നടത്തും. എസ്എസ്എല്സി പരീക്ഷയില് നൂറ് ശതമാനം വിജയം കൈവരിച്ച എസ്എംവി സ്കൂളിലെ അദ്ധ്യാപകരെ പൂഞ്ഞാര് വലിയരാജാ പി.രാമവര്മ്മരാജായും വിദ്യാര്ത്ഥികളെ ഗ്രാമപഞ്ചായത്തു പ്രസിഡന്റ് അഡ്വ.ഉഷാമേനോനും ആദരിക്കും. എസ്എസ്എല്സി, ഹയര് സെക്കണ്ടറി പരീക്ഷകളില് എല്ലാ വിഷയങ്ങള്ക്കും എപ്ലസ് ഗ്രേഡ് നേടിയ വിദ്യാര്ത്ഥികള്ക്ക് പ്രത്യേക ഉപഹാരങ്ങള് നല്കി ജില്ലാ പഞ്ചായത്ത് പ്രസിഡന്റ് ആദരിക്കും. ബ്ലോക്ക് പഞ്ചായത്ത് മെമ്പര് കൊച്ചുറാണി എബി, ഗ്രാമപഞ്ചായത്തു മെമ്പര് ഗീതാനോബിള്, രമേഷ് ബി.വെട്ടിമറ്റം, പി.അശോകവര്മ്മരാജാ, പ്രിന്സിപ്പല് ഷൈല ജി.നായര്, ഹെഡ്മാസ്റ്റര് ആര്.നന്ദകുമാര്, പിടിഎ പ്രസിഡന്റ് എ.കെ.നാസര് എന്നിവര് പങ്കെടുക്കും.
പ്രതികരിക്കാൻ ഇവിടെ എഴുതുക: