ചങ്ങനാശേരി: നഗരത്തില് കഞ്ചാവ് വില്പനക്കാരനെതിരെ ഡിവൈഎഫ്ഐക്കാരന് സദാചാരപോലീസ് ചമഞ്ഞ് അക്രമം നടത്തി. ആലപ്പുഴ ജില്ലാ പോലീസ് മേധാവി ഇരുവരെയും പിടികൂടി. നഗരത്തില് അക്രമം നടത്തിയ ഡിവൈഎഫ്ഐക്കാരനെയും കഞ്ചാവ് വില്പനക്കാരനെയും അതുവഴിവന്ന ആലപ്പുഴ ജില്ലാ പോലീസ് മേധാവി പിടികൂടി ചങ്ങനാശേരി പോലീസിനു കൈമാറി. കഞ്ചാവ് വില്പന നടത്തിയ പെരുന്ന സ്വദേശിയും ഓട്ടോറിക്ഷാ തൊഴിലാളിയുമായ ജലീല്(50)നെയാണ് ഡിവൈഎഫ്ഐ ടൗണ് ബ്രാഞ്ച് സെക്രട്ടറി രജീഷ് പാനാട്(32) ചോദ്യം ചെയ്തത്. തുടര്ന്നുണ്ടായ അക്രമത്തില് ജലീലിന് സാരമായ പരിക്കേറ്റു. കഴിഞ്ഞദിവസം നാലരയോടെയാണ് സംഭവം. പൊതുസ്ഥലത്ത് അക്രമം നടത്തിയതിന് ഇരുവര്ക്കുമെതിരെയും കഞ്ചാവ് വില്പന നടത്തിയതിന് ജലീലിനെതിരെയും പോലീസ് കേസെടുത്തു. ജലീലിന്റെ കയ്യില് നിന്നും 15 ഗ്രാം കഞ്ചാവ് പോലീസ് പിടികൂടി.രജീഷിനെ പോലീസ് മര്ദ്ദിച്ചതായി ഡിവൈഎഫ്ഐ നേതാക്കള് ആരോപിച്ചു.
പ്രതികരിക്കാൻ ഇവിടെ എഴുതുക: