ന്യൂയോര്‍ക്ക്‌: അമേരിക്കയില്‍ അജ്ഞാതനായ അക്രമി ന ടത്തിയ വെടിവയ്‌പ്പുകളില്‍ മൂ ന്നു പേര്‍ കൊല്ലപ്പെട്ടു. രണ്ടുപേര്‍ക്കു പരുക്ക്‌. അക്രമിയും സ്വയംനിറയൊഴിച്ച്‌ മരിച്ചു.
കാലിഫോര്‍ണിയയിലെ ഓറഞ്ച്‌ കൗണ്ടിയില്‍ ആറിടങ്ങളിലാണ്‌ അജ്ഞാതനായ അ ക്രമി സാധാരണക്കാര്‍ക്കു നേ രെ വെടിയുതിര്‍ത്തത്‌. പു ലര്‍ച്ചെ 4.45ഓടെ ലഡേര റാ ഞ്ചില്‍ ഒരു യുവതി വെടിയേറ്റു മരിച്ചതായി പോലീസിന്‌ വി വരം ലഭിച്ചു. തുടര്‍ന്നു 5.30നും ആറുമണിക്കും ഇടയില്‍ വിവിധയിടങ്ങളില്‍ വെടിവയ്‌പ്പുണ്ടാതായി റിപ്പോര്‍ട്ടുകള്‍ പുറത്തുവന്നു. റെഡ്‌ ഹില്‍ അവന്യൂവില്‍ ഒരാളെ വെടിവെച്ചു പരുക്കേല്‍പ്പിച്ചുശേഷം അക്രമി കാര്‍ മോഷ്ടിച്ചു. പിന്നാലെ സ്റ്റേറ്റ്‌ റൂട്ട്‌ 55ല്‍ ഒരാളെ വെടിയേറ്റു മരിച്ചു.
ഇവിടെ നിന്നും അക്രമി കാര്‍ തട്ടിയെടുത്തു കടന്നു. എഡിങ്ങര്‍ അവന്യൂവില്‍ ഒരാളെ വധിച്ച അജ്ഞാതന്‍ മറ്റൊരാള്‍ക്കു പരുക്കേല്‍പ്പിച്ചു.
തുടര്‍ന്ന്‌ തോക്കുധാരിയെ പിന്തുടര്‍ന്ന പോ ലീസ്‌ കാര്‍ തടഞ്ഞു. എന്നാല്‍ അക്രമി സ്വയം വെടിവച്ചു മരിച്ചു. ആക്രമണ കാരണമടക്കം സംഭവത്തെക്കുറിച്ചുള്ള കൂടുതല്‍ വിവരങ്ങള്‍ അന്വേഷണ സംഘം പുറത്തുവിട്ടിട്ടില്ല.
അതേസമയം, തോക്കു കൈവശം വയ്‌ക്കുന്നതിനുള്ള നിബന്ധനകള്‍ കര്‍ക്കശമാക്കാനുള്ള അലോചനയ്‌ക്കി ടെയുള്ള സംഭവം ഒബാമ ഭരണകൂടത്തെ അങ്കലാപ്പിലാക്കി.
അടുത്തകാലത്തായി വിദ്യാഭ്യാസ സ്ഥാപനങ്ങളടക്കം അമേരിക്കയിലെ വിവിധയിടങ്ങളില്‍ അരങ്ങേറിയ വെടിവയ്‌പ്പുകളില്‍ സാധാരണക്കാരായനിരവധിപേര്‍ കൊല്ലപ്പെട്ടിരുന്നു.
പ്രതികരിക്കാൻ ഇവിടെ എഴുതുക: