കൊച്ചി: പുതുവര്ഷം പ്രമാണിച്ച് തിങ്കളാഴ്ച ബോള്ഗാട്ടിയിലെ ഗ്ലോബല് വില്ലേജ് കൂടുതല് സമയം പ്രവര്ത്തിക്കും. വൈകിട്ട് മൂന്നിന് തുറക്കുന്ന ഗ്ലോബല് വില്ലേജ് രാത്രി 12.30 വരെ പ്രവര്ത്തിക്കും. പുതുവര്ഷത്തെ ആഘോഷപൂര്വ്വം വരവേല്ക്കാന് അവസരമൊരുക്കുന്നതിനായാണിത്.
വിഭവസമൃദ്ധമായ ഫുഡ് പവലിയനും കുട്ടികള്ക്കും മുതിര്ന്നവര്ക്കും അനവധി വിനോദാവസരങ്ങളൊരുക്കിയിട്ടുള്ള അമ്യൂസ്മെന്റ് ഏരിയയിലും സംഗീത-നൃത്തവിരുന്നൊരുക്കുന്ന വിനോദമേഖലയിലുമാണ് പുതുവര്ഷത്തെ വരവേല്ക്കാന് പ്രവര്ത്തിസമയം ദീര്ഘിപ്പിച്ചിരിക്കുന്നത്. പഞ്ചാബി നൃത്തം, ബെന്നറ്റ് ആന്ഡ് ബാന്ഡിന്റെ സംഗീതപരിപാടി, സലില് ഹട്ടണ്, അരുണ് ഗോപന്, ഗൗരി, ഹരിത എന്നിവര് നയിക്കുന്ന സംഗീതനിശ എന്നിവയാണ് പുതുവല്സരത്തെ വരവേല്ക്കാനായി ഗ്ലോബല് വില്ലേജില് ഒരുക്കിയിരിക്കുന്നത്. മറ്റ് പവലിയനുകള് പതിവുസമയക്രമമനുസരിച്ച് ഉച്ചകഴിഞ്ഞ് മൂന്നു മുതല് രാത്രി പത്തുവരെയേ പ്രവര്ത്തിക്കുകയുള്ളൂ.
പ്രതികരിക്കാൻ ഇവിടെ എഴുതുക: