കൂത്തുപറമ്പ്‌: കൂത്തുപറമ്പിനടുത്ത പാലാപറമ്പില്‍ അര്‍ദ്ധരാത്രി ആയുധ പരിശീലനം നടത്തുന്നതായി നാട്ടുകാരുടെ പരാതി. ഇരുട്ടിണ്റ്റെ മറവില്‍ ആളൊഴിഞ്ഞ സ്ഥലത്താണ്‌ പരിശീലനം നടക്കുന്നത്‌. അസമയത്ത്‌ പാലപ്പറമ്പ്‌ ഭാഗത്തേക്ക്‌ പരിചയമില്ലാത്ത ആളുകള്‍ യാത്ര ചെയ്യുന്നത്‌ നേരത്തെ നാട്ടുകാരുടെ ശ്രദ്ധയില്‍ പെട്ടിരുന്നു. പാതിരാത്രിയില്‍ ആയുധ പരിശീലനം നടത്തുന്നത്‌ ശ്രദ്ധയില്‍പ്പെട്ട നാട്ടുകാര്‍ ബന്ധപ്പെട്ട സ്റ്റേഷനില്‍ വിവരമറിയിക്കുകയായിരുന്നു. ചില പ്രത്യേക ദിവസങ്ങളില്‍ മാത്രമേ പരിശീലനം നടക്കുന്നുള്ളുവെന്നും നാട്ടുകാര്‍ പറയുന്നു. ആയുധ പരിശീലനം നടന്നതിന്‌ ശേഷം കൂത്തുപറമ്പിലും പരിസരപ്രദേശങ്ങളിലും വ്യാപകമായി വളര്‍ത്തുനായകള്‍ക്ക്‌ വെട്ടേറ്റിട്ടുണ്ട്‌. കൃത്യമായി നായ്‌ക്കളുടെ കഴുത്തിനാണ്‌ വെട്ടിപ്പരിക്കേല്‍പ്പിക്കുന്നത്‌. ചില നായ്‌ക്കള്‍ കൊല്ലപ്പെട്ട നിലയിലും ചിലത്‌ മാരകമായി പരിക്കേറ്റ നിലയിലുമാണ്‌. സംസ്ഥാനത്തിണ്റ്റെ വിവിധ ഭാഗങ്ങളില്‍ ഇത്തരം ഒട്ടേറെ സംഭവങ്ങള്‍ നേരത്തെ തന്നെ റിപ്പോര്‍ട്ട്‌ ചെയ്യപ്പെട്ടിരുന്നു. നായ്‌ക്കള്‍ക്ക്‌ വെട്ടേറ്റ സംഭവം മതതീവ്രവാദ സംഘടനകള്‍ക്കെതിരെയാണ്‌ വിരല്‍ ചൂണ്ടുന്നത്‌. രണ്ടുകാര്യങ്ങള്‍ക്കാണ്‌ നായ്‌ക്കളെ വെട്ടിപ്പരിക്കേല്‍പ്പിക്കുന്നതത്രെ. ഒന്ന്‌ ആയുധമുപയോഗിച്ച്‌ അക്രമിച്ച്‌ കൈയറപ്പ്‌ തീര്‍ക്കാനും രണ്ട്‌ ഉന്നം തെറ്റാതെ ആയുധം ഉപയോഗിക്കാനും ചില സ്ഥലങ്ങളില്‍ ഓടിക്കൊണ്ടിരിക്കുന്ന ബൈക്കുകളില്‍ യാത്ര ചെയ്താണത്രെ നായകളെ വെട്ടിക്കൊല്ലുന്നത്‌. കൂത്തുപറമ്പിലും പരിസര പ്രദേശങ്ങളിലും നടക്കുന്ന ആയുധ പരിശീലനത്തിലും വളര്‍ത്തുനായ്‌ക്കളെ വെട്ടിപ്പരിക്കേല്‍പ്പിക്കുന്നതിലും നാട്ടുകാര്‍ പരിഭ്രാന്തരാണ്‌. ബന്ധപ്പെട്ട അധികാരികള്‍ സംഭവം ഗൗരവത്തിലെടുത്തില്ലെന്ന ആക്ഷേപവും ശക്തമാണ്‌. എന്നാല്‍ വിഷയം ശ്രദ്ധയില്‍ പെട്ടയുടനെ ഊര്‍ജ്ജിതമായ അന്വേഷണം നടത്തിയെങ്കിലും അസ്വാഭാവികമായൊന്നും ശ്രദ്ധയില്‍പ്പെട്ടിട്ടില്ലെന്നാണ്‌ പോലീസ്‌ പറയുന്നത്‌.
Tuesday, November 26, 2024
കൂത്തുപറമ്പില്‍ അര്‍ദ്ധരാത്രി ആയുധ പരിശീലനം; പോലീസ്‌ ഇരുട്ടില്‍ തപ്പുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: