കടുത്തുരുത്തി: ആയൂര്വേദാധിപന് ചേര്ത്തല മരുത്തോര്വട്ടം ധന്വന്തരിമൂര്ത്തിയുടെ ജയന്തി മഹോത്സവത്തോടനുബന്ധിച്ച് പാലാ കടപ്പാട്ടൂറ് മഹാദേവക്ഷേത്രത്തില് നിന്നും നാളെ തങ്ക അങ്കിഘോഷയാത്ര പുറപ്പെടും. രാവിലെ ൭ ന് എന്എസ്എസ് താലൂക്ക് യൂണിയന് പ്രസിഡണ്റ്റും, ഡയറക്ടര് ബോര്ഡംഗവുമായ സി.പി.ചന്ദ്രന്നായര് വിളബംര ഘോഷയാത്ര നിലവിളക്ക് കൊളുത്തി ഉദ്ഘാടനം ചെയ്യും. കടപ്പാട്ടൂറ് ശ്രീമഹാദേവക്ഷേത്രം സെക്രട്ടറി എച്ച്.ഡി. സുരേന്ദ്രന് നായര് മുഖ്യപ്രഭാഷണം നടത്തും. ദീപപ്രോജ്വലനത്തിന് ശേഷം ഘോഷയാത്ര കോട്ടയം, കുമാരനല്ലൂറ്, ഏറ്റൂമാനൂറ്, കടുത്തുരുത്തി, വൈക്കം തുടങ്ങിയ സ്ഥലങ്ങളിലെ മഹാക്ഷേത്രങ്ങളില് നിന്നും ഭക്തജനങ്ങളുടെ സ്വീകരണങ്ങളേറ്റുവാങ്ങി വൈകുന്നേരം ൬.൩൫ ന് ചേര്ത്തല കെവിഎം ജംഗ്ഷനിലെത്തിച്ചേരുന്നു. വാദ്യമേളങ്ങളുടെയും, താലപ്പൊലിയുടെയും അകമ്പടിയോടെ ൭ മണിക്ക് ശ്രീധന്വന്തരി മൂര്ത്തിയുടെ തിരുനടയിലെത്തിച്ചേരും. ൧൧ ന് രാവിലെ ശ്രീധന്വന്തരി മൂര്ത്തിയുടെ ജയന്തി ആഘോഷങ്ങള്ക്ക് വിപുലമായ ഒരുക്കങ്ങളാണ് ക്ഷേത്രത്തിലൊരുക്കിയിരിക്കുന്നത് എന്ന് ഭാരവാഹികള് പത്രസമ്മേളനത്തിലറിയിച്ചു. എല്ലാ മാസവും ആദ്യത്തെ വ്യാഴാഴ്ച മാത്രം നടത്തുന്ന ഉദരരോഗ ശമനത്തിനുള്ള മുക്കുടി, വാതരോഗശമനത്തിനുള്ള അട്ടയും, കുഴമ്പും എന്നി വിശേഷാല് വഴിപാടുകള് ധന്വന്തരി മൂര്ത്തിയുടെ ജയന്തി ദിനത്തില് സേവിക്കുന്നതിന് ആയിരക്കണക്കിന് രോഗാതുരരാണ് എത്തുന്നതെന്ന് ക്ഷേത്രം ട്രസ്റ്റ് ഭാരവാഹികള് പറഞ്ഞു.
പ്രതികരിക്കാൻ ഇവിടെ എഴുതുക: