പെരുമ്പാവൂര്‍: മര്‍ച്ചന്റ്സ്‌ അസോസിയേഷന്‍ കുടുംബമേള ഇന്ന്‌ രാവിലെ 9മുതല്‍ തങ്കമാളിക ഓഡിറ്റോറിയത്തില്‍ നടക്കും. രാവിലെ 9 ന്‌ രജിസ്ട്രേഷന്‍, 9.30 ന്‌ കേരള വ്യാപാരി വ്യവസായി ഏകോപന സമിതി ജില്ലാ സെക്രട്ടറി സി.കെ.അബ്ദുള്ള പതാക ഉയര്‍ത്തും. തുടര്‍ന്ന്‌ കുടുംബാംഗങ്ങളുടെ വിവിധ കലാപരിപാടികള്‍ നടക്കും. 10.45 ന്‌ പ്രസിഡന്റ്‌ സി.കെ.അബ്ദുള്ളയുടെ അദ്ധ്യക്ഷതയില്‍ ചേരുന്ന യോഗം സംസ്ഥാന വൈസ്‌ പ്രസിഡന്റ്‌ പെരിങ്ങാല രാമചന്ദ്രന്‍ ഉദ്ഘാടനം ചെയ്യും. ജില്ലാ പ്രസിഡന്റ പി.എ.എം. ഇബ്രാഹിം മുഖ്യപ്രഭാഷണം നടത്തും. തുടര്‍ന്ന്‌ നടക്കുന്ന പഠന ക്ലാസ്‌ ഡിവൈഎസ്പി കെ.ഹരികൃഷ്ണന്‍ ഉദ്ഘാടനം ചെയ്യും. അഡ്വ.ചാര്‍ളി പോള്‍ ക്ലാസുകള്‍ നയിക്കും.
വൈകിട്ട്‌ 4 ന്‌ നടക്കുന്ന സമാപന സമ്മേളനം കെ.പി.ധനപാലന്‍ എംപി ഉദ്ഘാടനം ചെയ്യും. സംസ്ഥാന ജനറല്‍ സെക്രട്ടറി ഡോ.എം.ജയപ്രകാശ്‌ മുഖ്യാതിഥിയാകുന്ന ചടങ്ങില്‍ വച്ച്‌ എസ്‌എസ്‌എല്‍സി അവാര്‍ഡ്‌ വിതരണം സാജു പോള്‍ എംഎല്‍എ, പ്ലസ്ടു അവാര്‍ഡ്‌ വിതരണം പി.പി.തങ്കച്ചന്‍, സിബിഎസ്‌ഇ അവാര്‍ഡ്‌ വിതരണം ടി.എച്ച്‌.മുസ്തഫ, സി.കെ.ശശി സ്മാരക അവാര്‍ഡ്‌ വിതരണം കെ.എം.എ. സലാം തുടങ്ങിയവര്‍ നിര്‍വഹിക്കും. ചടങ്ങില്‍ വച്ച്‌ 30 വര്‍ഷം പിന്നിട്ട ഭാരവാഹി, 40 വര്‍ഷം പിന്നിട്ട വ്യാപാരികള്‍, 115 വര്‍ഷം പൂര്‍ത്തിയാക്കിയ വ്യാപാര സ്ഥാപനത്തേയും ആദരിക്കുമെന്നും സംഘാടകര്‍ പറഞ്ഞു. പെരുമ്പാവൂര്‍ യൂത്ത്‌ വിംഗ്‌ ഉദ്ഘാടനം സംസ്ഥാന പ്രസിഡന്റ്‌ സിജോ ചിറക്കേക്കാരന്‍ നിര്‍വഹിക്കും.
യോഗത്തില്‍ നഗരസഭപ്രതിപക്ഷനേതാവ്‌ ജി.സുനില്‍കുമാര്‍, ജില്ലാ ജനറല്‍ സെക്രട്ടറി പി.സി.ജേക്കബ്‌, ടി.പി.ഹസ്സന്‍, അഡ്വ.എന്‍.സി.മോഹനന്‍, എം.സി.പോള്‍സണ്‍, പി.വി.സലീം, ജി.ജയപാല്‍, എം.എം.യൂസഫ്‌, ടി.ബി.നാസര്‍, എസ്‌.ജയചന്ദ്രന്‍, എം.ആര്‍.ശശി, മോളി ജയിംസ്‌, സുരേഷ്‌ പോള്‍ തുടങ്ങിയവര്‍ സംസാരിക്കും. ജനറല്‍ സെക്രട്ടറി എം.കെ.രാധാകൃഷ്ണന്‍ സ്വാഗതവും ഖജാന്‍ജി വി.പി.നൗഷാദ്‌ നന്ദിയും പറയും. കുടുംബമേളയോടനുബന്ധിച്ച്‌ കൊച്ചിന്‍ സംഗമം അവതരിപ്പിക്കുന്ന ഗാനമേള ഉണ്ടായിരിക്കും.
പ്രതികരിക്കാൻ ഇവിടെ എഴുതുക: