ന്യൂദല്ഹി: യു.പി.എ സര്ക്കാരിനെ മറിച്ചിടാനില്ലെന്നും സര്ക്കാരിനുളള പിന്തുണ തുടരുമെന്നും ഉത്തര്പ്രദേശ് നിയുക്ത മുഖ്യമന്ത്രി അഖിലേഷ് യാദവ് അറിയിച്ചു. യു.പിയില് ജനങ്ങള് നല്കിയ ഭൂരിപക്ഷം കേന്ദ്രസര്ക്കാരിനെ മറച്ചിടാനല്ലെന്നും അദ്ദേഹം വ്യക്തമാക്കി.
ലോക്സഭയിലേക്ക് ഇടക്കാല തെരഞ്ഞെടുപ്പു നടത്താന് ഏറ്റവും അനുയോജ്യമായ സമയമാണോ ഇതെന്ന മാധ്യമങ്ങളുടെ ചോദ്യത്തിന്, അതിന്റെ ആവശ്യമില്ലെന്നായിരുന്നു അഖിലേഷിന്റെ മറുപടി. പ്രധാനമന്ത്രി ഒരുക്കുന്ന അത്താഴവിരുന്നില് പങ്കെടുക്കും. എന്നാല് ആരു പോകണമെന്ന കാര്യത്തില് തീരുമാനമായിട്ടില്ല.
സി.പി.എം നേതാക്കളെ കണ്ടതില് അസ്വാഭാവികമായി ഒന്നുമില്ലെന്നും അദ്ദേഹം കൂട്ടിച്ചേര്ത്തു. സംസ്ഥാനങ്ങളുടെ താല്പര്യം സംരക്ഷിക്കുന്നതിന് കേന്ദ്രീകൃത സംവിധാനം ഒരുക്കുന്നത് സംബന്ധിച്ച് ഒറീസ മുഖ്യമന്ത്രി നവീന് പട്നായികിന്റെ അഭിപ്രായത്തോട് ഇപ്പോള് പ്രതികരിക്കുന്നില്ലെന്ന് അദ്ദേഹം മറുപടി നല്കി.
പ്രതികരിക്കാൻ ഇവിടെ എഴുതുക: