തിരുവനന്തപുരം: പിറവത്ത് ബിജെപി സ്ഥാനാര്ഥിയെ പ്രഖ്യാപിച്ചു. ബിജെപി ദേശീയ-സംസ്ഥാന സമിതികളില് അംഗവും ജില്ലയിലെ അറിയപ്പെടുന്ന ക്രിമിനല് അഭിഭാഷകനുമായ അഡ്വ.കെ.ആര്.രാജഗോപാലാണ് ബിജെപി സ്ഥാനാര്ഥി.
എബിവിപിയിലൂടെ പൊതുരംഗത്തുവന്ന രാജഗോപാല് കഴിഞ്ഞ 20 വര്ഷമായി ബിജെപിയുടെ വിവിധ ചുമതലകള് വഹിച്ചു വരികയാണ്. കീഴില്ലം കുറങ്ങാട്ട് കാരിമറ്റത്തു വീട്ടില് മുന് ആരോഗ്യ മന്ത്രിയും അഭിഭാഷകനുമായിരുന്ന അഡ്വ.കെ.ജി.ആര്.കര്ത്താവിന്റെ മകനാണ് അഡ്വ.രാജഗോപാല്. പുഷ്പ രാജഗോപാലാണ് ഭാര്യ. ഭരത്രാജ് കര്ത്ത, ആദിത്യരാജ് കര്ത്ത എന്നിവര് മക്കളാണ്. കേരള ഹൈക്കോടതിയിലും സെന്ട്രല് അഡ്മിനിസ്ട്രേറ്റീവ് ട്രൈബ്യൂണലിലും ആറു വര്ഷം കേന്ദ്രസര്ക്കാരിന്റെ അഭിഭാഷകനായി പ്രവര്ത്തിച്ചിട്ടുണ്ട്.
ബിജെപി രായമംഗലം പഞ്ചായത്ത് കമ്മറ്റി പ്രസിഡന്റായി പ്രവര്ത്തനം ആരംഭിച്ച അഡ്വ.രാജഗോപാല് ആറു വര്ഷം പെരുമ്പാവൂര് നിയോജകമണ്ഡലം പ്രസിഡന്റ്, യുവമോര്ച്ച ജില്ലാ പ്രസിഡന്റ് തുടങ്ങിയ ചുമതലകള് വഹിച്ചിട്ടുണ്ട്.
