ന്യൂദല്‍ഹി: ദല്‍ഹിയിലെ ഇന്ദിരാഗാന്ധി അന്താരാഷ്‌ട്ര വിമാനത്താവളത്തിലെ കാര്‍ഗോ ടെര്‍മിനലില്‍ ഉണ്ടായ തീപിടുത്തത്തില്‍ പത്തോളം എയര്‍ലൈനുകളുടെ ഓഫീസ്‌ കത്തിനശിച്ചു. പുലര്‍ച്ചെ 1.15ഓടെയാണ്‌ ടെര്‍മിനലില്‍ തീ കണ്ടത്‌. തീപിടുത്തത്തില്‍ ആളപായമൊന്നുമില്ല. തീപിടുത്തത്തിന്റെ കാരണം അറിവായിട്ടില്ല.
കാര്‍ഗോയില്‍ ജോലിയിലുണ്ടായിരുന്ന ചുരുക്കം ജീവനക്കാര്‍ തീ അണയ്‌ക്കാന്‍ ശ്രമിച്ചെങ്കിലും വിഫലമായി. ഉടന്‍ തന്നെ 22ഓളം ഫയര്‍ യൂണിറ്റുകള്‍ സ്ഥലത്തെത്തി തീ നിയന്ത്രണ വിധേയമാക്കി. അഞ്ചു മണിക്കൂറോളം നീണ്ടുനിന്ന ശ്രമത്തിനൊടുവിലാണ്‌ തീ അണച്ചത്‌.
പ്രതികരിക്കാൻ ഇവിടെ എഴുതുക: