കണ്ണൂര്‍: എ.പി അബ്ദുള്ളക്കുട്ടി മിതത്വം പാലിക്കണമെന്ന് കെ.സുധാകരന്‍ എം.പിയും പറഞ്ഞു. പാര്‍ട്ടിയെ കുഴയ്കുന്നതാണ് അബ്ദുള്ളക്കുട്ടിയുടെ പ്രസ്താവന. വിസ്മയ പാര്‍ക്കിനെ കുറിച്ചുള്ള പാര്‍ട്ടി നിലപാടില്‍ മാറ്റമില്ലെന്നും സുധാകരന്‍ പറഞ്ഞു.
വിസ്മയ പാര്‍ക്കിനെപ്പറ്റി കണ്ണൂര്‍ ഡി.സി.സി പ്രസിഡന്റ്‌ പറഞ്ഞത്‌ പാര്‍ട്ടിയുടെ നയമാണെന്നും അദ്ദേഹം വ്യക്തമാക്കി. അബ്ദുള്ളക്കുട്ടി വാക്കുകളില്‍ മിതത്വം പാലിക്കണമെന്ന് കഴിഞ്ഞ ദിവസം ഡി.സി.സി പ്രസിഡന്റ്‌ പി.കെ.വിജയരാഘവന്‍ നിര്‍ദ്ദേശിച്ചിരുന്നു. ഇത് സുധാകരനും ആവര്‍ത്തിക്കുകയായിരുന്നു.
സി.പി.എം നേതൃത്വത്തിലുള്ള വിസ്‌മയാ പാര്‍ക്കില്‍ ശനിയാഴ്ച നടന്ന ചടങ്ങില്‍ പങ്കെടുത്ത അബ്ദുള്ളക്കുട്ടി പാര്‍ക്കിനെ പുകഴ്‌ത്തി സംസാരിച്ചതാണ്‌ കോണ്ഗ്രസ് നേതൃത്വത്തെ ചൊടിപ്പിച്ചത്‌. പാര്‍ക്കിന്റെ ചില പരിപാടികളെ പ്രകീര്‍ത്തിച്ചുകൊണ്ട് അബ്ദുള്ളക്കുട്ടിയുടെ ലേഖനങ്ങള്‍ വരാന്‍ പോകുന്നുവെന്ന വാര്‍ത്തകളുമുണ്ട്. ഇതും പ്രതിഷേധത്തിന് ഇടയാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: