അംബാല: ഹരിയാനയില്‍ ബസും ട്രക്കും കൂട്ടിയിടിച്ച്‌ ഒമ്പത് സ്കൂള്‍ കുട്ടികള്‍ മരിച്ചു. കൂടാതെ കുട്ടികള്‍ സഞ്ചരിച്ചിരുന്ന ബസിന്റെ ഡ്രൈവറും മരിച്ചു. ഇരുപത് കുട്ടികള്‍ക്ക് പരിക്കേറ്റു. അംബാലയിലെ സാഹ-ഷഹാബാദ് റോഡിലാണ് അപകടം ഉണ്ടായത്/
സാഹയ്‌ക്കു സമീപമുള്ള അര്‍ജുന്‍ പബ്ലിക് സ്കൂളിലെ കുട്ടികളാണ് അപകടത്തില്‍പ്പെട്ടത്. മരിച്ച കുട്ടികള്‍ അഞ്ചിനും എട്ടു വയസിനും ഇടയില്‍ പ്രായമുള്ളവരാണ്. കുട്ടികള്‍ സഞ്ചരിച്ചിരുന്ന ബസ് എതിരെവന്ന ട്രക്കുമായി കൂട്ടിയിടിക്കുകയായിരുന്നു. കനത്ത മൂടല്‍മഞ്ഞാണ് അപകട കാരണമെന്നു റിപ്പോര്‍ട്ട്. മൂടല്‍മഞ്ഞു കാരണം എതിരേ വന്ന ട്രക്കിനെ ബസ് ഡ്രൈവര്‍ക്കു കാണാനായില്ല.
പരുക്കേറ്റവരെ അംബാല സിവില്‍ ആശുപത്രിയില്‍ പ്രവേശിപ്പിച്ചു. ചിലരുടെ നില ഗുരുതരമാണ്.
പ്രതികരിക്കാൻ ഇവിടെ എഴുതുക: