മുംബൈ: ശക്‌തമായ ലോക്പാല്‍ ബില്ലിനു വേണ്ടി നിരാഹാര സമരം ആരംഭിക്കുന്ന അണ്ണാ ഹസാരെയെ ജൂഹു ബീച്ചിനു സമീപം ഒരു സംഘം ആളുകള്‍ കരിങ്കൊടി കാണിച്ചു. മഹാത്മാഗാന്ധി പ്രതിമയ്‌ക്ക് മുന്നില്‍ പുഷ്പാര്‍ച്ചന നടത്താന്‍ പോകുമ്പോഴായിരുന്നു ഇരുപത് അംഗ സംഘം ഹസാരെയ്‌ക്കുനേരെ കരിങ്കൊടി ഉയര്‍ത്തി പ്രതിഷേധിച്ചത്.
എന്നാല്‍, പ്രതിഷേധക്കാര്‍ ഏതെങ്കിലും സംഘടനയില്‍ പെട്ടവരാണോ എന്ന കാര്യം വ്യക്‌തമായിട്ടില്ല. ഹസാരെ വിരുദ്ധ പ്രക്ഷോഭകര്‍ എന്നാണ്‌ പ്രതിഷേധക്കാര്‍ സ്വയം വിശേഷിപ്പിച്ചത്‌. ‘അന്നാ ഹസാരെ മൂര്‍ദ്ദാബാദ്‌’ എന്ന മുദ്രാവാക്യം മുഴക്കിയായിരുന്നു ഇവരുടെ പ്രതിഷേധം. ഇവരെ പോലീസ്‌ അറസ്റ്റ്‌ ചെയ്‌തു നീക്കി.
പ്രതികരിക്കാൻ ഇവിടെ എഴുതുക: