ബാംഗൂര്‍: കര്‍ണാടക മുന്‍ മുഖ്യമന്ത്രി എസ്. ബംഗാരപ്പ അന്തരിച്ചു. വൃക്ക സംബന്ധമായ അസുഖത്തെ തുടര്‍ന്ന്‌ ഇന്ന്‌ പുലര്‍ച്ചെ ബാംഗ്ലൂരിലെ സ്വകാര്യ ആശുപത്രിയിലായിരുന്നു അന്ത്യം. 79 വയസ്സായിരുന്നു. ആരോഗ്യനില വഷളായതിനെ തുടര്‍ന്ന്‌ ഡിസംബര്‍ ഏഴിനായിരുന്നു ബംഗാരപ്പയെ ആശുപത്രിയില്‍ പ്രവേശിപ്പിച്ചത്‌. കോണ്ഗ്രസ് ടിക്കറ്റില്‍ ഷിമോഗ മണ്ഡലത്തില്‍ നിന്ന്‌ നിയമസഭയില്‍ എത്തിയ ബംഗാരപ്പ 1990-ല്‍ കര്‍ണാടക മുഖ്യമന്ത്രിയായി. തുടര്‍ന്ന്‌ കോണ്ഗ്രസ് വിട്ട് കര്‍ണാടക വികാസ്‌ പാര്‍ട്ടി, കര്‍ണാടക കോണ്ഗ്രസ് പാര്‍ട്ടി തുടങ്ങിയ പുതിയ പാര്‍ട്ടികള്‍ രൂപീകരിച്ചു.
2009 ല്‍ സമാജ് വാദി പാര്‍ട്ടി വിട്ട് ബംഗാരപ്പ കോണ്‍ഗ്രസില്‍ ചേര്‍ന്നു. എം.പി സ്ഥാനം രാജിവെച്ച് മത്സരിച്ചെങ്കിലും ബി.സ്. യെദ്യൂരപ്പയുടെ മകന്‍ ബി.എസ്. രാഗവേന്ദ്രയോട് പരാജയപ്പെടുകയും ചെയ്തു.
പ്രതികരിക്കാൻ ഇവിടെ എഴുതുക: