വിജയമല്ല, സേവനമായിരിക്കണം നമ്മുടെ ലക്ഷ്യം. പ്രാര്ത്ഥനയോടെയല്ലാത്ത സേവനം ഫലവത്താവില്ല. സേവനമനോഭാവമില്ലാത്ത പ്രാര്ത്ഥന പ്രാര്ത്ഥനയുമല്ല. പണം സമ്പാദിക്കുക എന്നതാവരുത് നമ്മുടെ ലക്ഷ്യം. സേവനം നടത്താനുള്ള പണം നേടേണ്ടത് ആവശ്യമാണ്. സ്നേഹത്തിന്റെ ജീവനാഡിയാണ്;ശരിയായ രീതിയിലുള്ള നല്കല്.
ജീവിതത്തിന് രണ്ട് തലങ്ങളുണ്ട്. എല്ലാം നിറഞ്ഞ ഒരു തലവും കുറവുകള് നിറഞ്ഞ മറ്റൊരു തലവും. നമ്മില് കൂടുതല് പേരും അഭാവങ്ങള് നിറഞ്ഞ തലത്തിലാണ് അകപ്പെട്ടിരിക്കുന്നത്. എല്ലാം നിറഞ്ഞ തലത്തിന് ശക്തിയേറും. കുറവുകള് നമ്മെ തടവിലാക്കും. വിജയം കൈവരിക്കണമെങ്കില് നമ്മള് സ്വതന്ത്രരാവണം.
ജീവിതം അനേകം സംഭവങ്ങള് നിറഞ്ഞതാണെന്ന് തിരിച്ചറിയുമ്പോള് നമ്മിലെ വ്യക്തിഭാവത്തിന് ശക്തി ലഭിക്കുന്നു. ജീവിതസംഭവങ്ങള്ക്ക് നാം നല്കുന്ന വ്യാഖ്യാനങ്ങളെ ആശ്രയിച്ചിരിക്കും നമ്മുടെ ജീവിതാനുഭവം. ജീവിതസംഭവങ്ങളോടുള്ള പ്രതികരണത്തെ തിരിച്ചറിഞ്ഞാല് മാത്രമേ മാറ്റം ഉണ്ടാവുകയുള്ളു.
മേലുദ്യോഗസ്ഥന് നിങ്ങളെ ശകാരിക്കുന്നു. നിങ്ങളെ അദ്ദേഹത്തിന് ഇഷ്ടമല്ല എന്ന രീതിയില് നിങ്ങള് പ്രതികരിക്കുന്നു. ശകാരവും നിങ്ങളുടെ പ്രതികരണവും വ്യത്യസ്തങ്ങളായ സംഭവങ്ങളാണ്. മേലുദ്യോഗസ്ഥന്റെ മനസ്സിലുള്ള അസ്വസ്ഥതകളായിരിക്കാം ശകാരമായി പുറത്തുവരുന്നത്. ഇതിനെ നിങ്ങളോടുള്ള ഇഷ്ടക്കേടായി കരുതിയാല് തെറ്റായ ചിന്തയ്ക്ക് നിങ്ങള് അടിമയാണെന്നര്ത്ഥം. അങ്ങനെയായാല് നിങ്ങളില് നിന്നുള്ള ഊര്ജം നഷ്ടമാകും.
സ്വന്തം വ്യക്തിത്വത്തെ ശക്തിപ്പെടുത്താനായി സ്വന്തം പ്രതികരണങ്ങളെക്കുറിച്ച് ഒരാള് പൂര്ണബോധവനായിരിക്കണം. പ്രതികരണങ്ങളെക്കുറിച്ച് മനസ്സിലാക്കിയില്ലെങ്കില് അത് ബുദ്ധിമുട്ടുണ്ടാക്കും. അവബോധമുണ്ടായാല് സംഭവങ്ങളെ മാറ്റിമറിക്കാന് സാധിച്ചില്ലെങ്കിലും സംഭവങ്ങളെ വിശകലനം ചെയ്യുന്ന കാഴ്ചപ്പാടിന് വ്യത്യാസമുണ്ടാക്കാന് കഴിയും.
യാന്ത്രികമായ ജീവിതത്തിന് അടിമയാണ് നമ്മള്. യാന്ത്രികജീവിത്തില് സംഭവങ്ങളാണ് നമ്മളെ നിയന്ത്രിക്കുന്നത്. ദൈവീകത നിറഞ്ഞ ജീവിതത്തില് നമ്മുടെ പ്രതിബദ്ധതയാണ് നമ്മളെ നിയന്ത്രിക്കുന്നത്.
യാന്ത്രികജീവിത്തില് നിന്ന് മോചിതനായിക്കഴിഞ്ഞാല് നമ്മളെ നയിക്കാനായി ദൈവീകതയെ നമ്മുടെ ജീവിതത്തിലേക്ക് വരാന് അനുവദിക്കുക. നമ്മുടെ ജീവിതം എല്ലാത്തിനേയും ആശ്രയിച്ചിരിക്കുന്നു. ഒന്നിനേയും ആശ്രയിക്കാതെയും ഒന്നിനെമാത്രം ആശ്രയിച്ചും ഉള്ളതല്ല ജീവിതം. സേവനമായിരിക്കണം നമ്മുടെ ജീവിതലക്ഷ്യം.സൂര്യനും ചന്ദ്രനും നക്ഷത്രങ്ങളും സസ്യജന്തുജാലങ്ങളും നിശ്ശബ്ദമായി നമ്മെ അനുഗ്രഹിച്ചുകൊണ്ടിരിക്കുന്നു. നമ്മെള അനുഗ്രഹിക്കുന്നവയെ സേവിക്കുന്നതിനാണ് നമ്മുടെ സമ്പാദ്യം ഉപയോഗിക്കേണ്ടത്. സമ്പാദ്യത്തെ ഫലവത്തായി സേവനത്തിനായി ഉപയോഗിക്കുന്നതിലൂടെ നമുക്ക് വിജയം കൈവരിക്കാന് കഴിയുന്നു.
