പെരിന്തല്‍മണ്ണ: ക്ഷേത്രങ്ങള്‍ അടിമത്തത്തിന്റെ പ്രതീകമാക്കാന്‍ ഭാരത ജനത ഇനി തയ്യാറല്ലെന്ന്‌ ആര്‍എസ്‌എസ്‌ ദക്ഷിണ ഭാരത്‌ പ്രചാര്‍ പ്രമുഖ്‌ സൂര്യ നാരായണ റാവു പറഞ്ഞു. മാലാപറമ്പ്‌ മാട്ടുമ്മല്‍ ശ്രീ നരസിംഹ മൂര്‍ത്തി ക്ഷേത്രത്തിലെ പുനഃപ്രതിഷ്ഠയോടനുബന്ധിച്ചു നടന്ന സാംസ്കാരിക സമ്മേളനം ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
ഭാരതത്തിന്റെ യഥാര്‍ത്ഥ സ്വാതന്ത്ര്യം യാഥാര്‍ത്ഥ്യമാകാന്‍ സമയമടുത്തുവെന്നും ഭാരത സംസ്കാരത്തിന്‌ വഴികാട്ടിയായി നിലകൊണ്ടിരുന്ന പതിനായിരം ഹൈന്ദവ ക്ഷേത്രങ്ങള്‍ തകര്‍ക്കപ്പെട്ടിരുന്നുവെന്നും അവ പുനരുദ്ധരിക്കുന്നതിലൂടെ മാത്രമെ സംസ്കാരം വീണ്ടെടുക്കാന്‍ സാധിക്കുകയുള്ളൂവെന്നും അദ്ദേഹം പറഞ്ഞു.
സമൂഹത്തിന്റെ മുഴുവന്‍ ക്ഷേമദായകമായി ക്ഷേത്രങ്ങള്‍ വളരണമെന്ന്‌ അഖിലഭാരതീയ സീമാകല്ല്യാണ്‍ സഹ പ്രമുഖ്‌ എ. ഗോപാലകൃഷ്ണന്‍ പറഞ്ഞു. ആര്‍എസ്‌എസ്‌ പ്രാന്തസംഘചാലക്‌ പി.ഇ.ബി. മേനോന്‍ അദ്ധ്യക്ഷത വഹിച്ചു. രാ. വേണുഗോപാല്‍, കെ.പി. വാസു മാസ്റ്റര്‍ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: