പുതുതലമുറയെ ആകർഷിക്കുന്നതിൽ റാപ്പർ വേടനെ മാതൃകയാക്കാൻ യൂത്ത് കോൺഗ്രസ് പ്രമേയം

പുതുതലമുറയെ ആകർഷിക്കാൻ പ്രവർത്തന ശൈലി മാറ്റിപ്പിടിക്കണമെന്ന് യൂത്ത് കോൺഗ്രസ് പ്രമേയം. യുവതലമുറയെ ആകർഷിക്കുന്നതിൽ റാപ്പർ വേടനെ മാതൃകയാക്കാമെന്നും യൂത്ത് കോൺഗ്രസ് സംസ്ഥാന ക്യാമ്പിൽ സമർപ്പിച്ച സംഘടനാ പ്രമേയത്തിൽ പരാമർശമുണ്ട്.

സമര മാർഗങ്ങളിലടക്കം നിലവിൽ തുടരുന്ന രീതികളിൽ മാറ്റം വരുത്തണമെന്നും യൂത്ത് കോൺഗ്രസ് ഇതിലേക്ക് കടക്കണമെന്നും പ്രമേയത്തിൽ പറയുന്നു.

യൂത്ത് കോൺഗ്രസിൽ അംഗമായി പ്രവർത്തിക്കാനുള്ള പ്രായപരിധി 40 ആയി നിശ്ചയിക്കണമെന്ന നിർദേശവും പ്രമേയത്തിൽ ഉൾപ്പെടുത്തി. സംഘടനാ ഭാരവാഹിത്വത്തിൽ അനർഹരായ ആളുകൾ കടന്നുകൂടുന്നതായി ശക്തമായ വിമർശനങ്ങളും പ്രമേയത്തിൽ ഉയർന്നിട്ടുണ്ട്.