തിരുവനന്തപുരം:ഭക്ഷണം വൈകിയതിന് ബാര്‍ ഹോട്ടലില്‍ ആക്രമണം നടത്തിയ ആറ് പേര്‍ പിടിയില്‍.കൊല്ലം ചവറ സ്വദേശികളാണ് പിടിയിലായത്.
മദ്യപിച്ച ശേഷം ഓര്‍ഡര്‍ ചെയ്ത ഭക്ഷണം വന്നില്ലെന്ന് പറഞ്ഞാണ് ഇവര്‍ ജീവനക്കാരെ മര്‍ദിച്ചത്. ചൊവ്വാഴ്ച രാത്രി പത്തോടെ വര്‍ക്കലയിലെ ഒരു ബാര്‍ ഹോട്ടലിലാണ് സംഭവം .
ബാറില്‍ വച്ച് തന്നെ ഇവര്‍ പ്രശ്നമുണ്ടാക്കിയിരുന്നുവെന്നും അതിന് ശേഷം തങ്ങളുടെ താമസ സ്ഥലത്ത് വന്നും അസഭ്യം പറഞ്ഞെന്നും ജീവനക്കാര്‍ ആരോപിച്ചു. ജീവനക്കാര്‍ പൊലീസിനെ വിവരമറിയിച്ചു. അക്രമികള്‍ ബാര്‍ ഹോട്ടലിലെ സാധനങ്ങളും നശിപ്പിച്ചതായാണ് പരാതി.
പരാതി അന്വേഷിക്കാന്‍ എത്തിയ പൊലീസുകാരന്റെ നെയിം ബോര്‍ഡ് ഉള്‍പ്പെടെ അക്രമികള്‍ വലിച്ചുകീറി.പൊലീസുകാരും നാട്ടുകാരും ചേര്‍ന്നാണ് അക്രമികളെ തടഞ്ഞുവച്ചത്.
പ്രതികരിക്കാൻ ഇവിടെ എഴുതുക: