കോഴിക്കോട് : മുസ്ലീം ലീഗ് എന്നും മുനമ്പത്തെ ജനങ്ങൾക്കൊപ്പം നിൽക്കുമെന്ന് മുസ്ലിം ലീഗ് നേതാവ് സാദിഖ് അലി ശിഹാബ് തങ്ങൾ . വഖഫ് നിയമഭേദഗതിക്കെതിരെ കോഴിക്കോട് കടപ്പുറത്ത് മുസ്ലിം ലീഗ് സംഘടിപ്പിച്ച മഹാറാലിയിൽ പങ്കെടുക്കുകയായിരുന്നു സാദിഖ് അലി ശിഹാബ് തങ്ങൾ .
പല നിലയ്‌ക്കും സാമ്രാജ്യത്വവും ഫാഷിസവും കടന്നു വരുന്നു. അതിൽ പലതും ഇപ്പോൾ മുസ്‌ലിംകൾക്കെതിരാണ്. നാളെ മറ്റാർക്കെങ്കിലുമെതിരാകാം.മുനമ്പത്തു നിന്ന് ആരും കുടിയിറക്കപ്പെടരുതെന്ന് ലീഗും മുസ്ലിം സംഘടനകളും ആവശ്യപ്പെട്ടു. മുനമ്പത്തെ ജനങ്ങൾക്കൊപ്പമാണ് ലീഗ്. സർക്കാർ ചർച്ചയ്‌ക്ക് വിളിച്ചാൽ തീരുന്ന പ്രശ്നമേയുള്ളു.
മുസ്ലീം ലീഗിനെ സംബന്ധിച്ചിടത്തോളം സാമുദായിക സൗഹാർദത്തിനാണ് മുൻഗണന .മുനമ്പം വിഷയം ആദ്യം ഉയർന്നപ്പോൾ മുസ്ലീം ലീഗ് എല്ലാ മുസ്ലിം സംഘടനകളുടെയും യോഗം വിളിച്ചു. മുനമ്പം വിഷയത്തിൽ ധ്രുവീകരണം വേണ്ടെന്ന് എല്ലാവരും സമ്മതിച്ചു. ഈ വിഷയത്തിൽ ഒരു കുടുംബത്തെയും മുനമ്പത്ത് നിന്ന് പുറത്താക്കരുതെന്ന് മുസ്ലീം സംഘടനകൾ ശക്തമായ തീരുമാനമെടുത്തിട്ടുണ്ട്. ഐയുഎംഎല്ലിന്റെ നിലപാട് ഒന്നുതന്നെയായിരുന്നു. മുസ്ലീം ലീഗ് എന്നും മുനമ്പത്തെ ജനങ്ങൾക്കൊപ്പം നിൽക്കും. . അർദ്ധരാത്രി ഞങ്ങളെ വിളിക്കൂ, മുസ്ലീം ലീഗ് അവിടെ സമാധാനം പുനഃസ്ഥാപിക്കാൻ തയ്യാറാകും. ‘ – സാദിഖ് അലി ശിഹാബ് തങ്ങൾ പറഞ്ഞു.
പ്രതികരിക്കാൻ ഇവിടെ എഴുതുക: