തിരുവനന്തപുരം:സഹോദരിക്കൊപ്പം കളിക്കവെ കിണറ്റില്‍ വീണ് അഞ്ചുവയസുകാരന്‍ മരിച്ചു. നേമം കുളകുടിയൂര്‍ക്കോണത്ത് സര്‍വോദയം റോഡ് പത്മവിലാസത്തില്‍ സുമേഷ് – ആര്യ ദമ്പതികളുടെ മകന്‍ ദ്രുവനാണ് മരിച്ചത്.
കഴിഞ്ഞ ദിവസം വൈകിട്ട് നേഴ്‌സറിയില്‍ നിന്നെത്തിയ ശേഷം വീട്ടുമുറ്റത്ത് രണ്ട് വയസുള്ള സഹോദരി ദ്രുവികയോടൊപ്പം കളിക്കവേയാണ് ദ്രുവന്‍ കിണറ്റില്‍ വീണത്.
പെയിന്റിംഗ് തൊഴിലാളിയായ അച്ഛന്‍ സുമേഷ് ജോലിക്ക് പോയിരിക്കുകയായിരുന്നു. അമ്മ വീട്ടുജോലികളിലും ആയിരുന്നു. പിന്നീട് ദ്രുവനെ കാണാനില്ലെന്ന് മനസിലായതിനെ തുടര്‍ന്ന് ആര്യ വീടിനു ചുറ്റും മകനെ അന്വേഷിച്ചെങ്കിലും ഫലമുണ്ടായില്ല.ഒടുവില്‍ കിണറിന് സമീപം കസേര ഇരിക്കുന്നത് കണ്ട് സംശയം തോന്നി ആര്യ സമീപവാസികളെ കൂട്ടി അഗ്‌നിരക്ഷാസേനയെ വിവരമറിയിച്ചു. അഗ്‌നിരക്ഷാ സേനയെത്തി കുഞ്ഞിനെ പുറത്തെടുത്ത് നേമം താലൂക്ക് ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഏകദേശം ഒരുമണിക്കൂറോളം കുഞ്ഞ് കിണറ്റില്‍ കിടന്നു. സംസാരശേഷി ഇല്ലാത്ത ദ്രുവന്‍ വീടിന് സമീപത്തുള്ള സൈനിക് ഡേ പ്രീ െ്രെപമറി സ്‌കൂളിലാണ് പഠിക്കുന്നത്.
പ്രതികരിക്കാൻ ഇവിടെ എഴുതുക: