കശ്മീർ : ജമ്മു കശ്മീരിലെ ബാരാമുള്ളയിൽ അബുൽ റസാഖ് എന്ന വ്യാജ പീർ ബാബ അറസ്റ്റിൽ. ‘ജന്നത്ത് കാ റസ്ത’ (സ്വർഗ്ഗത്തിലേക്കുള്ള വഴി) വാഗ്ദാനം ചെയ്ത് ആളുകളെ പ്രത്യേകിച്ച് മുസ്ലീം സ്ത്രീകളെ വഞ്ചിച്ചതിനാണ് അറസ്റ്റ്. സൗദി അറേബ്യയിലെ കഅബ പോലെ രൂപകൽപ്പന ചെയ്ത കെട്ടിടം അബ്ദുൾ റസാഖ് തന്റെ ഭൂമിയിൽ നിർമ്മിച്ചുവെന്നും നാട്ടുകാർക്ക് താൻ ഒരു ‘പൈഗംബർ’ (ദൈവത്തിന്റെ ദൂതൻ) ആണെന്ന് അവകാശപ്പെട്ടിരുന്നുവെന്നും റിപ്പോർട്ടുകൾ പറയുന്നു.
തന്റെ പ്രാർത്ഥന കെട്ടിടത്തിൽ എത്തുന്ന സ്ത്രീകൾക്ക് ചരസും കഞ്ചാവും പുകയില ഉത്പന്നങ്ങളും മറ്റും നൽകിയും ഇയാൾ ലഹരിക്ക് അടിമകളാക്കാനും ശ്രമിച്ചിരുന്നു. കൂടാതെ എല്ലാത്തരം കപട ആത്മീയ ഉൾക്കാഴ്ചകൾ വാഗ്ദാനം ചെയ്യുകയും ചെയ്തതായി നാട്ടുകാർ റിപ്പോർട്ട് ചെയ്തിട്ടുണ്ട്.
സൂഫി സന്യാസിയായ നൂർദീൻ നൂറാനിയുടെ പുനർജന്മമാണെന്നും തനിക്ക് ദിവ്യശക്തികളുണ്ടെന്നും അബ്ദുൾ റസാഖ് നാട്ടുകാരോട് അവകാശപ്പെട്ടിരുന്നു. ഇയാളുടെ അവകാശവാദങ്ങളിൽ മയങ്ങി പ്രദേശത്തെ നിരവധി മുസ്ലീം സ്ത്രീകൾ ഇയാളെ പിന്തുടരാൻ തുടങ്ങിയിരുന്നു.
ഇസ്ലാമിക മതപരമായ ഒരു ഘടന പോലെ താൻ രൂപകൽപ്പന ചെയ്ത തന്റെ കൗതുകകരമായ സ്ഥാപനത്തിൽ നിന്ന് രോഗശാന്തിയും ശക്തിയും വാഗ്ദാനം ചെയ്ത് റസാഖ് നാട്ടുകാർക്ക് ദുർമന്ത്രവാദ ഉപദേശങ്ങളും നൽകിയിരുന്നു. അതേ സമയം ഇയാൾ ഒരു കഞ്ചാവിന് അടിമയാണെന്നും ഭാര്യ ഉപേക്ഷിച്ചു പോയെന്നും നാട്ടുകാർ കൂട്ടിച്ചേർത്തു.
ബാരാമുള്ളയിലെ മക്കയിലെ കഅബയുടെ ഒരു പകർപ്പ് നിർമ്മിക്കാൻ അല്ലാഹു ഉത്തരവിട്ടിട്ടുണ്ടെന്ന് അബ്ദുൾ റസാഖ് നാട്ടുകാരുടെ മുമ്പാകെ അവകാശപ്പെട്ടിരുന്നു. മക്കയിലേക്ക് യാത്ര ചെയ്യാൻ കഴിയാത്ത ദരിദ്രരായ മുസ്ലീങ്ങൾക്കുള്ളതാണ് ഈ കഅബയുടെ പകർപ്പ് എന്നും അദ്ദേഹം പറഞ്ഞിരുന്നു. കഅബയുടെ പകർപ്പ് നിർമ്മാണം അദ്ദേഹം ഇതിനകം ആരംഭിച്ചിരുന്നു.
എന്നാൽ പരാതികളെ തുടർന്ന് ചില പത്രപ്രവർത്തകർക്ക് ഇയാളുടെ പദ്ധതികളെക്കുറിച്ച് സൂചന ലഭിച്ചു. തുടർന്ന് റസാക്കിന്റെ അനുയായികളാണെന്ന് നടിച്ച് മാധ്യമപ്രവർത്തകർ റസാക്കിനെ കാണുകയും കഅബയുടെ പകർപ്പ് സംബന്ധിച്ച വിവരങ്ങൾ തേടുകയും ചെയ്തു.
പിന്നീട് റസാക്കിന്റെ പദ്ധതികൾ മാധ്യമപ്രവർത്തകർ വെളിപ്പെടുത്തിയ സോഷ്യൽ മീഡിയ വീഡിയോയെ തുടർന്ന് ഗ്രാമവാസികൾ ഒത്തുകൂടി ഇയാളുടെ വ്യാജ മസ്ജിദ് ആക്രമിച്ചു തകർക്കുകയും ഇയാളെ മർദ്ദിച്ച് തടഞ്ഞ് വയ്‌ക്കുകയും ചെയ്തു. പിന്നീട് അബ്ദുൾ റസാക്കിനെ അറസ്റ്റ് ചെയ്യാൻ നാട്ടുകാർ പോലീസിന് വിട്ടു നൽകി.
പ്രതികരിക്കാൻ ഇവിടെ എഴുതുക: