തൃശൂരില്‍ സ്വകാര്യ ബസിന് പിന്നില്‍ ഓട്ടോറിക്ഷ ഇടിച്ച് 2 പേര്‍ക്ക് പരിക്ക്

തൃശൂര്‍:സ്വകാര്യ ബസിന് പിന്നില്‍ ഓട്ടോറിക്ഷ ഇടിച്ച് രണ്ടുപേര്‍ക്ക് പരിക്ക്. ഓട്ടോറിക്ഷ ഡ്രൈവര്‍ സുരേഷിനു വാഹനത്തിലെ യാത്രക്കാരി കുണ്ടന്നൂര്‍ സ്വദേശിക്കും പരിക്കേറ്റു.

കാഞ്ഞിരക്കോട് തോട്ടുപാലം ബസ് സ്‌റ്റോപ്പിന് സമീപമാണ് അപകടം. വടക്കാഞ്ചേരി കുന്നംകുളം സംസ്ഥാനപാതയിലാണ് സംഭവം.

വടക്കാഞ്ചേരി ഭാഗത്തുനിന്ന് വരികയായിരുന്നു ബസ്. ഈ ബസിന് പിന്നിലാണ് ഓട്ടോറിക്ഷ ഇടിച്ചത്.

പരിക്കേറ്റവരെ ആശുപത്രിയില്‍ പ്രവേശിപ്പിച്ചു. ഇവരുടെ പരിക്ക് ഗുരുതരമല്ലെന്നാണ് വിവരം.