കല്ലും നെല്ലും തിരിച്ചറിയാനും , കള്ളനാണയങ്ങളെ തുറന്നു കാട്ടാനുമുള്ള അവസരമാണ് ഇപ്പോൾ വന്നിരിക്കുന്നത് : കെ. സുരേന്ദ്രൻ

കൊച്ചി ; കല്ലും നെല്ലും തിരിച്ചറിയാനും കള്ളനാണയങ്ങളെ തുറന്നു കാട്ടാനുമുള്ള അവസരമാണ് ഇപ്പോൾ വന്നിരിക്കുന്നതെന്ന് ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രൻ . കൊടകര കേസ്സ് പുനരന്വേഷണത്തിനുള്ള ഇരിങ്ങാലക്കുട കോടതിയുടെ വിധി വന്നതിന് പിന്നാലെയാണ് അദ്ദേഹത്തിന്റെ ഫേസ്ബുക്ക് പോസ്റ്റ്.

‘ കൊടകര കേസ്സ് പുനരന്വേഷണത്തിനുള്ള ഇരിങ്ങാലക്കുട കോടതിയുടെ വിധിയും ഏഷ്യാനെറ്റ് ന്യൂസിന്റെ വക്കീൽ നോട്ടീസും ഇന്ന് ഒരുമിച്ചുതന്നെ വന്നു. ചുരുക്കിപ്പറഞ്ഞാൽ അടുത്ത രണ്ടുമൂന്നുമാസം സംഭവബഹുലം. പൊലീസ് സ്റ്റേഷനും കോടതിമുറികളും മാധ്യമവിചാരണയും കള്ളക്കഥകളും പിന്നെ വ്യാജൻമാരുടേയും നിരീക്ഷകരുടേയും ഹരികഥാകഥനവും സാമൂഹ്യമാധ്യമ അലക്കലുകളും അങ്ങനെ അങ്ങനെ പലതും.കല്ലും നെല്ലും തിരിച്ചറിയാനും കള്ളനാണയങ്ങളെ തുറന്നു കാട്ടാനുമുള്ള അവസരം. ഈ കാലവും കടന്നുപോകും. സത്യമേവ ജയതേ…‘ എന്നാണ് കെ സുരേന്ദ്രൻ ഫേസ്ബുക്ക് പോസ്റ്റിൽ കുറിച്ചിരിക്കുന്നത് .